Мінчук скраў з крамы сыру і кансерваў на 11 рублёў і трапіў пад суд
39‑гадовы мужчына неяк ноччу зайшоў у кругласутачную краму на вул. Някрасава.
Агледзеўшыся па баках, ён узяў са стэлажоў кавалак сыру і мясныя кансервы на 11 рублёў 52 капейкі, якія схаваў у кішэню курткі. Потым прабіў на касе самаабслугоўвання ёгурт і накіраваўся да выхаду, пішуць Мінск-навіны.
Закрычала работніца крамы, і ён кінуўся наўцёкі. Але жанчына дагнала яго і схапіла за руку. Спрабуючы вырвацца, мужчына стаў хапаць жанчыну за адзенне, штурхаў яе. На дапамогу падбеглі касір і іншы пакупнік, якія не далі фігуранту схавацца.
Нарад міліцыі затрымаў мінчука, завялі крымінальную справу. У судовым пасяджэнні ён поўнасцю прызнаў сваю віну, у здзейсненым шчыра раскаяўся.
Высветлілася, што ён не працаўладкаваны, на ўтрыманні мае малалетняе дзіця, раней да крымінальнай адказнасці не прыцягваўся. Суд прызначыў яму два гады хатняй хіміі. Таксама ён павінен прайсці прымусовае лячэнне ад хранічнага алкагалізму.
Цяпер чытаюць
Анжаліку Мельнікаву бачылі ў Мінску ў «Дана Моле»58
Каментары