Бабруйская кандытарская фабрыка «Чырвоны харчавік» плануе ўжо ў маі пачаць продаж новага салодкага прадукту, які будзе замяняць вядомае шакаладнае дражэ M&M’s. Пра гэта паведамілі прадстаўнікі прадпрыемства, піша Office Life.
Праект імпартазамяшчэння абмяркоўваўся яшчэ раней, калі на фабрыцы ўстанавілі спецыяльную лінію для вытворчасці падобных цукерак. Цяпер распрацоўка дайшла да этапу запуску.
Новую прадукцыю назвалі «Джойцы». Яе будуць выпускаць у невялікіх упакоўках па 50 грамаў. Плануецца два віды начынкі: малочны шакалад у ёгуртавай глазуры або ў каляровай абалонцы.
Паводле прадстаўнікоў прадпрыемства, перад запускам спецыялісты вывучалі смакавыя перавагі пакупнікоў.
Таксама паведамляецца, што за мінулы год фабрыка распрацавала больш за пяцьдзясят новых рэцэптаў у межах праграмы імпартазамяшчэння. Сёння яе прадукцыя экспартуецца ў 14 краін, асноўны рынак — Расія. Прадпрыемства таксама пашырае геаграфію продажу і шукае новыя рынкі, у тым ліку ў краінах Азіі: нядаўна зайшлі ў Таджыкістан, а цяпер прыцэльваюцца на Бангладэш.
Продажы бабруйскага зефіру з паслабляльным эфектам толькі выраслі
Высветлілі, як есці той папулярны зефір, які абмяркоўваюць у сацсетках праз яго паслабляльны эфект
У бабруйскага зефіру з лінейкі здаровага харчавання праявіўся паслабляльны эфект
Што такое лахардзікі, якія так любяць на ўсходзе Беларусі
Беларуска ела бабруйскі зефір і знайшла ў ім кавалачкі дрэва
Каментары