Гэтай ноччу ў порце Наварасійска Украінскія Сілы беспілотных сістэм (СБС) разам з СБУ правялі аперацыю, галоўнай мэтай якой стаў фрэгат «Адмірал Макараў». Гэты карабель — носьбіт крылатых ракет «Калібр», паведаміў камандуючы СБС Роберт «Мадзяр» Броўдзі.
Фрэгат спрабаваў адбіцца ад дронаў, запускаючы ракеты супрацьпаветранай абароны проста з борта, пакуль дроны ішлі на збліжэнне.
Украінскім беспілотнікам удалося прарвацца і паразіць цэль. Памер шкоды вызначаецца выведкай, дадаў «Мадзяр».
Акрамя фрэгата, пад атаку трапіла плавучая буравая ўстаноўка «Сіваш», а над нафтаперагрузачным комплексам «Шэсхарыс» падняўся слуп дыму.
Каментары