10 красавіка памёр пісьменнік Юрась Нераток, паведаміў пісьменніцкі клуб «Літаратурны экватар». Яму было 64 гады.
Юрась Нераток (па пашпарце Юрый Гарбачоў) нарадзіўся 19 верасня 1961 года ў вёсцы Баяры Мастоўскага раёна ў сям’і настаўнікаў-філолагаў. Дзяцінства правёў у вёсцы Хадакі Івацэвіцкага раёна.
У 1983 годзе скончыў Беларускі політэхнічны інстытут. Працаваў канструктарам на Мінскім аўтазаводзе, у НВА «Цэнтр», галоўным канструктарам СТДА «Вентура», ТАА «Градзіс», загадчыкам сектара праектавання электрамеханічных кампанентаў Аб’яднанага інстытута машынабудавання Нацыянальнай акадэміі навук Беларусі. Быў членам Беларускага саюза архітэктараў.
Друкаваўся ў шматлікіх газетах і часопісах, калектыўных зборніках і альманахах. Аўтар кніг вершаў «Фотаальбом» (2003) і «Споведзь струны» і кніг прозы «Закуцце» (2007) і «Непатрэбныя людзі» (2019). Аўтар і ўкладальнік калектыўнай электроннай паэмы «Буслан і Жамбіла» (2012). Сааўтар (сумесна з Ірынай Карнаухавай і Марынай Шапавалавай) паэтычнага трыялога «Заблытаўся сярод навін» (2017).
Шмат пісаў таксама па-руску — пад псеўданімам Юрый Юлаў.
Быў членам Саюза пісьменнікаў Беларусі, членам-заснавальнікам народнага клуба паэтаў і кампазітараў «Жывіца». Акрамя літаратурнай творчасці, быў вядомы і як бард.
Развітанне з Юрасём Нератком адбудзецца 13 красавіка ў рытуальнай зале на вуліцы Кульман, 33а ў Мінску, з 10‑й да 11‑й гадзіны. Пахаваны пісьменнік будзе на радзіме — у вёсцы Хадакі Івацэвіцкага раёна.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў1
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары