Французскі юнак трапіў у Сінгапуры пад суд за аблізванне саломінкі для соку
У Сінгапуры 18‑гадовы падлетак з Францыі можа атрымаць турэмны тэрмін пасля інцыдэнту з аўтаматам для продажу апельсінавага соку, піша Бі-бі-сі.
Паводле матэрыялаў следства, юнак дастаў саломінку з аўтамата, аблізаў яе і вярнуў назад у адсек для выдачы. Усё гэта ён зняў на відэа і выклаў у Instagram. Пазней ролік шырока разышоўся ў інтэрнэце.
Пасля здарэння кампанія, якой належыць аўтамат, паведаміла, што была вымушана замяніць усе 500 саломінак у адсеку і правесці санітарную апрацоўку.
Маладога чалавека абвінавацілі ў наўмысным псаванні маёмасці і стварэнні грамадскай нязручнасці. Калі яго прызнаюць вінаватым па абодвух пунктах, яму пагражае больш за два гады турмы і вялікія штрафы.
Інцыдэнт адбыўся 12 сакавіка ў адным з гандлёвых цэнтраў Сінгапура. На відэа юнак дадаў подпіс, што горад нібыта «небяспечны».
Многія карыстальнікі інтэрнэту адрэагавалі на сітуацыю з абурэннем і агідай пасля таго, як запіс стаў вірусным.
Вядома, што абвінавачаны вучыцца ў сінгапурскім філіяле бізнэс-школы ESSEC. Навучальная ўстанова паведаміла, што таксама праводзіць унутраную праверку.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары