Грамадства55

Стала вядома, якое крутое піке зрабіла кар'ера Ігара Бузоўскага 

У кастрычніку мінулага года стала вядома, што на пасаду рэктара Акадэміі кіравання замест Ігара Бузоўскага Лукашэнка прызначыў Дзяніса Дука. Бузоўскі перад тым узначальваў ВНУ толькі трошкі больш за год, а да таго кіраваў БРСМ, працаваў на высокіх пасадах у адміністрацыі Лукашэнкі і ва ўрадзе. Цяпер жа высветлілася, якое далейшае прымяненне знайшлі для дасведчанага 53‑гадовага чыноўніка.

Ігар Бузоўскі

Яшчэ 12 сакавіка адбыўся пленум Беларускага прафсаюза работнікаў дзяржаўных і іншых устаноў, на якім старшынёй гэтага аб'яднання аднагалосна выбралі Ігара Бузоўскага. Старшыня Федэрацыі прафсаюзаў Беларусі Юрый Сянько, прадстаўляючы яго, не шкадаваў казённых хвалебных слоў:

«За час працы зарэкамендаваў сябе як пісьменны, усебакова эрудыраваны, сучасны кіраўнік, які валодае дзелавымі якасцямі і арганізатарскімі здольнасцямі. Настойлівы ў дасягненні пастаўленых мэтаў, прынцыповы ў вырашэнні службовых пытанняў. У працы не лічыцца з асабістым часам, у прафесійнай дзейнасці вылучаецца высокім узроўнем адказнасці і кампетэнтнасці. Для стылю яго працы характэрныя паслядоўнасць, сістэмны падыход і ініцыятыўнасць».

Нягледзячы на нібыта наяўнасць такіх высокіх прафесійных якасцяў, прызначэнне на гэтую «пенсіянерскую», зусім не ўплывовую пасаду выглядае для ўсяго толькі 53‑гадовага Ігара Бузоўскага яўным кар'ерным крахам, улічваючы тыя вышыні, на якія ён забіраўся раней.

Ураджэнец вёскі Кашалева Навагрудскага раёна пасля заканчэння ў пачатку 1990‑х Мінскага вышэйшага вайсковага каманднага вучылішча крыху паслужыў у войску і папрацаваў у сістэме адукацыі, а пасля пайшоў рабіць кар'еру, займаючы спачатку нізавыя пасады ў Нацыянальнай дзяржаўнай тэлерадыёкампаніі і адміністрацыі Лукашэнкі.

Сапраўдны ягоны ўзлёт пачаўся ў 2010 годзе, калі Бузоўскі быў абраны першым сакратаром ЦК БРСМ і быў прызначаны членам Савета Рэспублікі. У 2014—2016 гадах займаў пасаду намесніка кіраўніка адміністрацыі Лукашэнкі, будучы фактычна галоўным ідэолагам краіны. Пасля з 2017 года ўзначальваў адміністрацыю Цэнтральнага раёна Мінска, з 2018 па 2024 працаваў намеснікам міністра інфармацыі Беларусі.

Летам 2024 года быў прызначаны рэктарам Акадэміі кіравання пры Лукашэнку, дзе працаваў да восені 2025 года. І, як выглядае, там настолькі не справіўся, што ўсё раптоўна скончылася ссылкай на другасную пасаду ў прафсаюзы.

Каментары5

  • Аналитик
    28.04.2026
    Было странно, когда Бузовский в 40 или 45 лет, седой, возглавлял БРСМ. Тот ещё комсомолец.
    И повторял пропаганду про Запад. Надеюсь, это всё того стоило. На Западе не надо заниматья пропагандой и повторять ерунду, чтобы иметь должности выше той, которую он занимает сейчас.
  • Аналитик
    28.04.2026
    бот, Бывший зам министра и главы администрации президента и ректор самого главного для луки вуза на должности даже не главы профсоюзов, а какого-то одного профсоюза - это дно. Там ему вообще зарплату платят? Ниже только обосраные коровы. И сестры Груздевы.
  • заатэхнік
    28.04.2026
    А мог бы раскідваць гной разам з самазванцам, такогоо каштоўнага "спецыяліста" губляем.

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«А што дрэннага было ў Ялце?» Пуціна спыталі пра «новую Ялту»6

Пуцін паабяцаў Украіне «балючыя адказы» на ўдары па Крымскім мосце4

Сабаленка схадзіла на матч НБА паміж «Лэйкерс» і «Джаз». «Лэйкерс» прайгралі пасля дзевяці перамог запар2

Лявон Вольскі прэзентаваў кліп на песню «Лекар ачуняй» ВІДЭА1

Прынц Гары заявіў, што вярнуўся б у войска, каб змагацца з Расіяй2

Прэм'ер Аўстраліі падчас пасяджэння з Пуціным запатрабаваў ад яго неадкладна спыніць «сваю вайну»

Беларускі добраахвотнік дэбютуе ў прафесійным боксе

«Бабуля таксама гнала». Беларус пераехаў у Польшчу і працягнуў займацца самагонаварэннем, хоць гэта забаронена4

«Я адчуваю сябе дурнем». Ілан Маск пашкадаваў пра грошы, што аддаў на падтрымку рэспубліканцаў13

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць36

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць