Намеснік міністра інфармацыі любіць Караткевіча і Маўра, але галоўныя творцы не яны
Намеснік міністра інфармацыі Ігар Бузоўскі на ўрачыстай цырымоніі з нагоды 45-годдзя мінскай кнігарні «Светач» даў рэкамендацыі, што маюць чытаць аматары кніг. Аказалася, што сам ён любіць беларускіх класікаў, але асноўнае натхненне чэрпае з творчасці сучасніка.
Другое месца ў персанальным чытацкім рэйтынгу Бузоўскага заняло «Дзікае паляванне караля Стаха» Уладзіміра Караткевіча за тое, што «гэту дэтэктыўную аповесць любяць і чытаюць у многіх краінах, па ёй вывучаюць гісторыю Беларусі».
Трэцяе места — прыгодніцкая дзіцячая аповесць «Палескія рабінзоны» Янкі Маўра.
А вось найбольшы чытацкі хіт, на думку Бузоўскага, — гэта выдадзеная сёлета кніга генеральнага пракурора Андрэя Шведа «Генацыд беларускага народа».
Калі верыць цытаце з Бузоўскага ў тэлеграм-канале Мінінфарма, Швед — аўтар гэтай кнігі, хоць у выдавецкіх звестках ён пазначаны толькі як рэдактар.
Як сцвярджае Бузоўскі, кніга «Генацыд беларускага народа» зрабіла на выдавецкім рынку фурор і перавыдадзеная Міністэрствам інфармацыі ўжо трэці раз. Калі гэта сапраўды так, то такая папулярнасць лёгка тлумачыцца тым, што яна «актыўна выкарыстоўваецца грамадскімі арганізацыямі, аб'яднаннямі», то-бок распаўсюджваецца не праз індывідуальныя закупкі. Ячэек «Белай Русі», БРСМ і праўладных прафсаюзаў у Беларусі сапраўды шмат.
Цяпер чытаюць
Студэнтка, якая ўцякла ад арышту ў 2020-м, працуе на крайняй поўначы Нарвегіі і зразумела скандынаўскі рэцэпт шчасця27
Каментары