Галіне Казіміроўскай ужо сабралі больш за 10 тысяч еўра на змаганне з анкалогіяй
Кіраўніца «Вольнага хору» расказала ўчора пра анкалагічнае захворванне.
Дыягназ «анкалогія» стаў для Галіны тым выпрабаваннем, якое патрабуе людской дапамогі і падтрымкі. Прайшоўшы праз шок і адмаўленне, яна прыняла выклік і змагаецца з хваробай з усіх сіл. Зараз яна праходзіць курс хіміятэрапіі, наперадзе аперацыя і яшчэ курсы хімія– і радыетэрапіі.
Кожны курс хіміятэрапіі — гэта знясільваючая бітва. На кожнае аднаўленне ідзе некалькі дзён, і толькі ты прыходзіш у сябе, як новая доза моцных прэпаратаў пазбаўляе цябе сіл. У такім стане Галіна не можа працаваць, і на цяперашні момант проста не мае грошай на базавыя патрэбы сям'і — аплату жылля, сілкаванне, а з двума непаўналетнімі дзецьмі гэтыя выдаткі моцна не скароціш.
Хіміятэрапія моцна паўплывала на стан здароўя ў цэлым. Таксічнасць хіміі разбурае печань і іншыя органы, пагаршае агульны стан і нясе з сабою шмат болю. На працягу ўсяго лячэння патрэбны даволі дарагія лекі, якія дапамагаюць падтрымліваць арганізм, змяншаюць моцныя болі.
У Галіны няма магчымасці аплачваць арэнду кватэры, купляць базавыя прадукты і аплачваць дарагія лекі для аднаўлення арганізма паміж курсамі хіміі. Каб працягваць лячэнне і перамагчы рак, Галіне патрэбна падтрымка на найбліжэйшыя 6 месяцаў.
«Бываюць проста болевыя запоі, я іх так называю. Калі ты з болю не вылазіш… У мяне быў месяц, калі з розных прычын увесь час нешта балела. І яно не прападае, табе не даюць перапынку, — расказала яна «Белсату».
— Бывалі моманты, падчас такіх болевых запояў, калі я проста ад безвыходнасці плакала. Гэта ж асабліва не дапамагае, на жаль. Але часам бывае, што боль адключаецца — усё, прайшло. І я такая: «О, жыву!», — кажа яна.
Сума збору абвяшчалася ў 8500 еўра, у тым ліку €6300 — арэнда кватэры на 6 месяцаў + камуналка, €1700 — прадукты харчавання на 6 месяцаў, €500 — лекі.
Па стане на 13:00 сераду за суткі сабрана 10 376 еўра, збор працягваецца.
-
Пахаваць законна свайго хатняга любімца ў Беларусі можна толькі ў жывёльны могільнік. Парушэнне закону выглядае больш маральна прымальным для многіх
-
Калеснікава: Вайна, якую пачала Расія, не проста супраць Украіны. Гэта вайна супраць еўрапейскіх каштоўнасцяў
-
Што цяпер з італьянскімі візамі? Масавыя адмовы? Турфірмы называюць альтэрнатыву
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары