Ільхам Аліеў заявіў, што ў свеце ёсць толькі дзве звышдзяржавы. Расіі сярод іх няма
Прэзідэнт Азербайджана Ільхам Аліеў заявіў, што ў сучасным свеце існуюць толькі дзве звышдзяржавы — ЗША і Кітай. Пра гэта ён сказаў на VIII з’ездзе кіроўнай партыі «Новы Азербайджан».
Паводле Аліева, Вашынгтон і Пекін з’яўляюцца адзінымі краінамі, якія можна называць сусветнымі звышдзяржавамі.
«Гэта дзве сусветныя звышдзяржавы, трэцяй няма», — заявіў ён.
Пры гэтым Аліеў падкрэсліў, што Азербайджан падтрымлівае стратэгічныя адносіны і з ЗША, і з Кітаем. З Пекінам Баку падпісаў усёахопную дэкларацыю аб стратэгічным партнёрстве, а з Вашынгтонам — Стратэгічную хартыю.
Азербайджанскі прэзідэнт адзначыў, што паміж Кітаем і ЗША існуе канкурэнцыя, аднак дамоўленасці паміж дзвюма дзяржавамі і выпрацоўка агульных правіл на аснове ўзаемаразумення маюць важнае значэнне для ўсяго свету.
Акрамя таго, Аліеў заявіў, што Азербайджан мае стратэгічнае партнёрства з шэрагам дзяржаў Еўрапейскага саюза. Паводле яго слоў, такі фармат супрацоўніцтва дзейнічае з дзесяццю краінамі ЕС.
Раней, у маі, падобную пазіцыю выказваў і прэзідэнт ЗША Дональд Трамп. Ён таксама называў звышдзяржавамі толькі ЗША і Кітай, заяўляючы, што Вашынгтон займае першае месца ў свеце паводле вайсковай моцы, а Пекін — другое.
Аліеў пасля зняцця санкцый з Усманава памілаваў асуджанага за шпіянаж француза
Ільхам Аліеў расказаў пра патаемную расійска-нямецкую сустрэчу ў Баку
Аліеў заявіў, што Азербайджан быў калоніяй у складзе СССР
На саміце ў Арменіі Ільхам Аліеў моцна паспрачаўся са старшынёй Еўрапарламента
Аліеў заявіў пра падтрымку тэрытарыяльнай цэласнасці Украіны і гатоўнасць разам рабіць зброю
Дзе працуюць і як выглядаюць жонкі топ-чыноўнікаў?16
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1111
Каментары