Беларускую навукоўку пакаралі на Тайвані за п'яную язду на скутары па тратуары
Марыя Цярэшына даследуе павукоў.
Акруговы суд Тайбэя 30 верасня 2026 года разгледзеў апеляцыю 27‑гадовай грамадзянкі Беларусі Марыі Цярэшынай па справе аб п'яным кіраванні.
Марыя Цярэшына — біёлаг-арахнолаг. Яна атрымала вышэйшую адукацыю ў Польшчы, а пасля пераехала ў Тайвань вучыцца ў вядомага даследчыка павукоў і займацца выкарыстаннем павуціння ў медыцыне. У навуковых публікацыях яна пазначаная як супрацоўніца Унівэрсітэта Тунхай у Тайчжуне.
Паводле матэрыялаў справы, у ноч на 26 красавіка 2025 года беларуска выпівала ў адкрытым бары ў парку Юаньшань у тайбэйскім раёне Чжуншань. Пасля гэтага яна села на скутар і паехала па тратуары. Каля 2:50 ночы яе спыніла паліцыя. Сама Цярэшына на допыце паказала, што ехала з мізернай хуткасцю — каля 3 км/г.
Тэст паказаў у яе 0,30 мг алкаголю на літр выдыхнутага паветра. А на Тайвані з гэтым строга — крымінальная адказнасць надыходзіць ад 0,25 мг/л.
У судзе Цярэшына прызнала віну. 18 лістапада 2025 года суд першай інстанцыі прызначыў ёй два месяцы зняволення з магчымасцю замяніць іх штрафам. Пры гэтым суд вырашыў не высылаць яе з краіны. Ён улічыў, што яна жыве і працуе на Тайвані легальна, раней правапарушэнняў не мела, а сам выпадак назваў «неразважлівым учынкам», які не сведчыць пра небяспеку для грамадства.
Беларуска абскардзіла толькі памер пакарання і прасіла аб умоўным тэрміне. Апеляцыйная калегія вырашыла, што першая інстанцыя прызначыла пакаранне правільна, і скаргу адхіліла. Аднак суд адтэрмінаваў выкананне пакарання на два гады.
Умова такая: на працягу паўгода пасля таго, як прысуд уступіць у сілу, яна павінна заплаціць каля $1570. Калі беларуска не заплаціць, пракурор можа папрасіць суд адмяніць умоўны тэрмін.
Цяпер чытаюць
Што цяпер з італьянскімі візамі? Масавыя адмовы? Турфірмы называюць альтэрнатыву2
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары
Але за стырно апасля не лез.