26 мая спецыялісты пачалі мантаж пралётных канструкцый новага пуцеправода «Калеснікава — Ратамская». Ён злучыць мікрараёны Каменная Горка і Лебядзіны, а таксама Фрунзенскі і Цэнтральны раёны, праходзячы ад вуліцы Калеснікава да вуліцы Ціміразева, паведамляе тэлеканал «Першы інфармацыйны». Гэта будзе першы аб'ект у арганізацыі трэцяга гарадскога кольца.
Усяго праект прадугледжвае 13 пралётаў: большасць з іх будзе даўжынёй каля 33 метраў, а адзін — карацейшы. Агульная даўжыня пуцеправода складзе прыкладна 282 метры. Работы ўжо ідуць у інтэнсіўным рэжыме, у тым ліку і кругласутачна. У найбліжэйшыя месяцы плануюць усталяваць асноўную частку пралётаў, пасля чаго будуць укладаць аснову і асфальтабетоннае пакрыццё.
Пасля завяршэння гэтага аб’екта будаўнікі возьмуцца за новыя праекты: пуцеправод паміж Лошыцай і Серабранкай, а таксама мост, які злучыць Курасоўшчыну і Малінаўку. У перспектыве плануецца і далейшае развіццё дарожнай сеткі з новымі ўчасткамі і злучэннямі паміж раёнамі.
Галоўная мэта гэтых работ — разгрузіць Мінскую кальцавую аўтадарогу, знізіць колькасць затораў і аварыйных сітуацый, асабліва ў гадзіны пік, і зрабіць рух у горадзе больш зручным.
Цяпер чытаюць
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара4
Каментары