Падатковая наведалася да вядомага мінскага блогера-гаражніка. Кажуць, што той працаваў нелегальна
Падаткавікі кажуць, што прыйшлі пасля таго, як на аўтамаляра-блогера настучаў неабыякавы грамадзянін.
Прафілактычная размова і суд
У гараж да блогера прыехалі АБЭПаўцы і падаткавікі. Як паведаміла мінская падатковая, высветлілася, што мужчына працаваў нелегальна.
Нелегальны прыбытак, як і самі маштабы бізнэсу, правяраючыя органы ацэнілі як невялікія.
З блогерам правялі прафілактычную размову наконт легалізацыі бізнэсу, а канчатковую ацэнку дзейнасці будзе даваць суд.
Магчыма, вы яго ўжо бачылі
Па фота можна зразумець, што праверка была ў гаражы мінскага блогера Дзімы, больш вядомага як dimidoz.
Сцены, на якіх напісаны яго слоган «рабі прасцей — лягчэй жыць», прычэп і сіняя пластыкавая бочка супадаюць з тымі, што можна ўбачыць у відэа.
Мужчына мае 62 тысячы падпісчыкаў у інстаграме, больш за 100 тысяч у тыктоку і 12 тысяч на ютубе.
Дзмітрый атрымаў вядомасць праз тое, што ў сваіх роліках паказвае гаражны рамонт старых карчэй без прыкрас і адзначае, што не гарантуе высокай якасці за выкананыя працы.
Ён паказвае, як заганяе мантажную пену ў парогі аўтамабіля замест іх замены і як закатвае дыры ў днішчы аўто рубероідам, ці як адпаліроўвае пажаўцелыя фары пастай для зубоў.
Мінулым летам блогер быў нават удзельнікам расійскай перадачы «Давай поженимся».
Каментары
А так парень хороший, рассказывает интересно.