У Чэрвеньскім раёне мужчына злавіў 8 рыб і заплаціў 5800 рублёў
Паводле матэрыялаў следства, у маі 50‑гадовы жыхар вёскі Стары Пруд рыбачыў на вадасховішчы Ведрыца. Для лоўлі ён выкарыстаў забароненыя прылады — пасткі, якія пакінуў у вадзе, а сам вярнуўся дадому, піша «Мінская праўда».
Праз тыдзень мужчына прыехаў забраць здабычу. У пастках аказалася восем рыб розных відаў. Ён склаў іх у пакет і схаваў у заплечнік, але па дарозе быў спынены супрацоўнікам прыродаахоўнай службы.
Рыбак прызнаў, што карыстаўся незаконнымі сродкамі лоўлі, і паказаў месцы, дзе яны былі ўстаноўленыя. Шкода, нанесеная прыродзе, склала больш за 5800 рублёў. Гэтую суму мужчына добраахвотна кампенсаваў цалкам.
Яго дзеянні кваліфікаваныя як незаконная здабыча рыбы з выкарыстаннем забароненых прылад падчас нераставой забароны. Сваю віну ён прызнаў поўнасцю, супрацоўнічае са следствам і выдаў усе забароненыя сродкі лоўлі.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары