«Занадта старонні чалавек». Леаніду Судаленку патлумачылі, чаму яму не скажуць пра прычыны прызнання ягонай тыкток-старонкі «экстрэмісцкай»
Праваабаронцы і экс-палітвязень Леанід Судаленка ў сваім тэлеграм-канале выставіў копію ліста, які ён атрымаў ад суда Маладзечанскага раёна ў адказ на просьбу даць яму копію судовага рашэння, вынесенага па справе прызнання ягонай асабістай старонкі ў тыктоку «экстрэмісцкай». Аказваецца, уладальнік такой старонкі, паводле трактоўкі суда, не адносіцца да асоб, якія маюць права на атрыманне такой копіі.
«Аргумент суда выдатны ў сваёй прастаце:
я не магу атрымаць копію рашэння, бо «не ўдзельнічаў у справе».
То-бок:
- маю старонку можна прызнаць «экстрэмісцкай»;
- мае правы можна абмежаваць;
- стварыць рызыку адміністрацыйнай і крымінальнай адказнасці;
- нанесці шкоду рэпутацыі;
…але даведацца, на якой падставе гэта зроблена, — нельга?!
Пры гэтым мне нават не паведамлялі пра разгляд справы.
Суд разгледзеў пытанне, якое непасрэдна закранае мае правы:
- без майго ўдзелу;
- без магчымасці прадставіць свае пярэчанні;
- без спаборнасці бакоў;
- а цяпер яшчэ і без доступу да самога рашэння.
Вельмі зручная мадэль правасуддзя:
спачатку прызнаём «экстрэмістам», а потым тлумачым, што вы занадта старонні чалавек, каб чытаць рашэнне пра самога сябе», — піша Леанід Судаленка.
Больш за 30 ператрусаў па ўсёй краіне. Што вядома пра «справу ЕГУ» і як абараніць сябе і блізкіх
Сяргея Стрыбульскага з «Белага легіёна» асудзілі на тры з паловай гады і далі вялікі штраф
Палітзняволенага журналіста Кірылу Пазняка выпісалі са шпіталя хуткай дапамогі
«Белпол»: З мая 2020 года ў Беларусі рэпрэсавана паўмільёна чалавек
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары