«Жыццё зрабіла нечаканы кульбіт». Сын і нявестка былой міністаркі інфармацыі Ліліі Ананіч пераехалі ў Кітай
Святлане Ісаёнак (Ананіч) прыйшлося нават кінуць сваё цёпленькае месцейка ў сакратарыяце Палаты прадстаўнікоў, каб разам з мужам адправіцца ў Паднябесную.
Пра глабальныя перамены ў сваім жыцці нявестка былой міністаркі інфармацыі Ліліі Ананіч распавяла ў інстаграме. Яна апублікавала сторыз з самалёта і напісала: «Ранак новага жыцця пачаўся над аблокамі».
Дванаццаць гадоў Святлана Ісаёнак адпрацавала ў «СБ. Беларусь сегодня». Прапагандыстка калекцыянавала лісты ўладаў з падзякамі за сваю працу. Быў нават ліст ад Лукашэнкі «за актыўны ўдзел у выбарчай кампаніі».
Але ж летась знайшла больш цёплае месца ў сакратарыяце Палаты прадстаўнікоў, дзе адпрацавала год. Падводзячы вынікі сваёй працы, Святлана пахвалілася падзякай ад Ігара Сергеенкі.
Сваім падпісчыкам Святлана паведаміла, што яе жыццё зрабіла нечаканы кульбіт, таму бліжэйшыя некалькі гадоў яна з мужам Андрэем будзе жыць у Пекіне.
Андрэй Ананіч працуе ў сферы закупак, продажу і лагістыкі. У яго працоўнай кніжцы была Нацыянальная біятэхналагічная карпарацыя, а таксама кампаніі «Дылекс транспарт» і «Трайпл».
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект23
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары