Бюро абвінавачваюць ва ўхіленні ад падаткаў. Незадоўга да візіту сілавікоў сузаснавальнік студыі Андрэй Макоўскі (Андрусь Bezdar) пісаў у сацсетках, што ім прыйшло ўказанне наняць ідэолага.
У офіс бюро ZROBIM architects сілавікі прыходзілі 9 і 10 красавіка. Каля 50 супрацоўнікаў былі затрыманыя, большасць пасля адпусцілі.
Фірму абвінавацілі ў тым, што з 2021 па 2025 год яна атрымала няўлічанага прыбытку на 6 мільёнаў даляраў. Сукупную шкоду бюджэту краіны ацанілі ў больш чым 5 мільёнаў рублёў. У сюжэце СТБ заявілі, што «не менш за 60% ад усіх заробкаў» супрацоўнікам бюро выплачвалі «ў канвертах».
Сузаснавальнік студыі Андрэй Макоўскі быў затрыманы. Але праз 16 сутак пасля хапуна ў студыі ў сацсетках Андрэя з'явіліся пасты пра новыя праекты — меркавалася, што ён выйшаў на волю.
Аднак учора, 4 чэрвеня, у акаўнце Андрэя ў трэдс з'явіўся допіс: «Прывітанне з СІЗА! Плаціце падаткі цалкам, рабяты».
Пазней яго жонка ў сацсетках патлумачыла: акаўнт часова вядзе яна, пакуль муж за кратамі. «У сваіх лістах ён дасылае мне паведамленні для Threads, якія хоча з вамі абмеркаваць».
Макоўскі цяпер пад следствам, але кампанія працягвае працаваць.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім6
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі1010
Каментары