Беларускую доктарку звольнілі з працы ў Вялікабрытаніі. Яна не разумела звычку брытанцаў абмяркоўваць з ёй надвор’е
Доктарка з Беларусі Марына Анатольева, якая працавала ў сістэме аховы здароўя Вялікабрытаніі (NHS), прайграла судовы пазоў аб нібыта незаконным звальненні на суму 100 тысяч фунтаў стэрлінгаў. Суд прыйшоў да высновы, што жанчыну звольнілі аргументавана, праз недастатковы ўзровень прафесійных камунікатыўных навыкаў, паведамляе The Independent.
47‑гадовая Анатольева праходзіла паслядыпломную падрыхтоўку па спецыяльнасці «анестэзіялогія» ў бальніцы Сент-Хеленс і Кноўслі (графства Мерсісайд) у перыяд з 2018 па 2022 гады.
Падчас разгляду справы жанчына прызнала, што падчас працы ёй было цяжка падтрымліваць нязмушаныя размовы і што яна не разумела звычкі брытанцаў часта абмяркоўваць надвор’е, адзначыўшы, што ў Беларусі такія размовы былі менш распаўсюджанымі.
Раней Анатольева сцвярджала, што сутыкнулася з менш прыязным да сябе стаўленнем праз сваё паходжанне, рускамоўнасць і «нейраразнастайнасць», аднак гэтыя аргументы былі адхіленыя судом.
Падчас навучання беларускі кіраўнікі і калегі неаднаразова адзначалі неабходнасць паляпшэння яе навыкаў камунікацыі, лідарства і працы ў камандзе. Нарэшце ў 2022 годзе ёй паведамілі, што пры адсутнасці прагрэсу яна можа быць адлічаная з праграмы, а ў кастрычніку таго ж года яе сапраўды выключылі з навучання.
Суд адзначыў, што ў працы анестэзіёлага, асабліва ва ўмовах экстраннай і хірургічнай дапамогі, важнае значэнне маюць не толькі тэхнічныя веды, але і ўменне эфектыўна ўзаемадзейнічаць з калегамі, кіраваць працай каманды і правільна ацэньваць сітуацыю.
Марына Анатольева заяўляла таксама, што яе кіраўніца нібыта намякнула, нібыта праца кансультантам не падыходзіць ёй як маці-адзіночцы і чалавеку з іншага культурнага асяроддзя. Кіраўніца, аднак, гэта адмаўляла, і суд палічыў яе паказанні больш пераканаўчымі, чым сцвярджэнні беларускі
У выніку суд прызнаў звальненне Марыны Анатольевай законным і адхіліў усе патрабаванні беларускі.
Беларуску ў Польшчы спачатку пагадзіліся ўзяць на працу, а потым адмовіліся — праз тое, што ў Беларусі на яе заведзена крыміналка
У Беларусі дыстанцыйніка хацелі звольніць, бо ён тры гадзіны не быў на сувязі. Чым усё скончылася
З эканамістаў — у медсёстры і зубныя тэхнікі. Як беларусы іншых прафесій перавучваюцца на медыкаў
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары
В Беларуси же отношение к общению на работе совсем другое: у нас ценится прямота, конкретика и разделение личного и профессионального — пришел, сделал свое дело, ушел. То, что для белорусского врача кажется естественной рабочей сдержанностью, британские коллеги могли счесть высокомерием, холодностью или отсутствием командного духа. Очень жаль, что профессиональные качества ушли на второй план из-за банального несовпадения культурных привычек