Беларусь закрывае пасольства ў Экватарыяльнай Гвінеі. А Лукашэнка ўсяго тры гады назад называў яе прыярытэтным кірункам
Беларусь збіраецца закрыць пасольства ў Экватарыяльнай Гвінеі. У Нацыянальным рэестры прававых актаў зарэгістравана пастанова з адпаведнай назвай, заўважыў Reform.news.
Пастанова Саўміна №315 «Аб закрыцці Пасольства Рэспублікі Беларусь у Рэспубліцы Экватарыяльнай Гвінеі» датавана 24 чэрвеня. Яна пакуль яшчэ не апублікаваная.
Дамоўленасці аб абмене пасольствамі паміж Беларуссю і Экватарыяльнай Гвінеяй былі дасягнуты ў 2023 годзе. Пра іх падчас візіту ў Мінск абвясціў кіраўнік афрыканскай дзяржавы Тэадор Абіанг Нгема Мбасога. У снежні таго года туды з візітам лятаў Аляксандр Лукашэнка. Ён называў Экватарыяльную Гвінею прыярытэтным кірункам.
У снежні 2023 года ўрад прыняў пастанову, якой было прадугледжана адкрыццё пасольства да 1 жніўня 2024 года. У чэрвені 2024 года Саўмін прызначыў заробак паслу ў Экватарыяльнай Гвінеі.
Аднак пра адкрыццё пасольства і прызначэнне пасла не паведамлялася, а на сайце МЗС адсутнічае інфармацыя пра адпаведнае дыпламатычнае прадстаўніцтва.
Пакуль краіна прадстаўлена ў Экватарыяльнай Гвінеі на ўзроўні часовага паверанага ў справах. Ім з’яўляецца Уладзіслаў Жур. 10 чэрвеня ён сустракаўся з віцэ-прэзідэнтам краіны Тэадора Нгемай Обіангам Манге. Абмяркоўвалася развіццё дамоўленасцяў 2023 года.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары
Прэзідэнт Мбасога ўзначальвае краіну з 1982 года.
А сярэдні ўзрост там 22 гады.
Большасць насельніцтва нарадзілася пры важдзе.