Каля рэзідэнцыі Уладзіміра Пуціна на Валдаі перакрылі 90 кіламетраў федэральнай трасы
Федэральная траса М-11 перакрытая ў Цвярской вобласці, паведамілі відавочцы выданню «Осторожно, новости». Паводле даных карт Google, дарога перакрытая на працягу некалькіх дзясяткаў кіламетраў вакол рэзідэнцыі Уладзіміра Пуціна на Валдаі.
Рух па платнай трасе перакрыты ў абодвух напрамках. У раёне вёскі Каломна ў Цвярской вобласці ўтварыўся затор. Супрацоўнікі ДПС не тлумачаць прычыну перакрыцця, расказалі відавочцы.
Перакрыццё дарогі зафіксаваў картаграфічны сэрвіс Google, які абагульняе афіцыйныя даныя аб руху і інфармацыю ад карыстальнікаў. Паводле сэрвісу, інфармацыя пра перакрыццё была пацверджана прыкладна а 11‑й гадзіне.
Перакрыты ўчастак, адзначаны на картах Google, мае працягласць каля 90 км. Ён праходзіць праз раён, дзе знаходзіцца афіцыйная рэзідэнцыя Пуціна на Валдаі.
Паводле даных Google, рух будзе перакрыты да 17:00.
Расійскія сэрвісы «Яндэкс Карты» і 2GIS не паведамляюць пра перакрыццё трасы, аднак фіксуюць затор у раёне Каломны, дзе, паводле Google Maps, пачынаецца перакрыты ўчастак. 2GIS таксама адзначае затор у раёне горада Акулаўка, дзе, згодна з картамі Google, перакрыццё заканчваецца.
На пачатку чэрвеня стала вядома пра з'яўленне сетак над паркоўкамі грузавікоў у Валдайскім раёне Наўгародскай вобласці. Заснавальнік даследчай групы Conflict Intelligence Team Руслан Левіеў выказаў меркаванне, што яны патрэбныя для прадухілення паўтору аперацыі «Павуцінне», калі беспілотнікі ўзляталі з грузавікоў.
Перасцярогі перад «новымі Жыткавічамі». Кіеў дарма бачыць пагрозу ў будаўніцтве мастоў цераз Прыпяць і Мухавец31
Каментары