Вайна88

Трамп паставіў пад сумнеў перадачу Украіне ліцэнзіі на ракеты для Patriot

Гэтую тэму Трамп і Зяленскі абмяркоўвалі падчас сустрэчы ў Вашынгтоне ў аўторак

Дональд Трамп. Фота: Andrew Harnik/Getty Images 

Прэзідэнт ЗША Дональд Трамп у тэлефонным інтэрв'ю Financial Times у чацвер заявіў, што «не ўпэўнены», ці дазволіць ён Украіне вырабляць ракеты для зенітных сістэм Patriot. «Мы разглядаем гэтае пытанне», — піша Бі-бі-сі.

Абяцанне прадаставіць ліцэнзію на вытворчасць ракет для Patriot прагучала ў пачатку ліпеня падчас сустрэчы Трампа з прэзідэнтам Украіны Уладзімірам Зяленскім на палях саміту НАТА ў Турцыі.

Гэтую тэму Трамп і Зяленскі абмяркоўвалі і падчас сустрэчы ў Вашынгтоне ў аўторак, паведамляў украінскі прэзідэнт, для якога боепрыпасы да Patriot маюць крытычнае значэнне і неабходныя для адбіцця пачашчаных расійскіх удараў балістычнымі ракетамі.

«Гэта сапраўды выключная зброя, і нам трэба быць крыху больш асцярожнымі ў тым, каму мы выдаём ліцэнзіі. Насамрэч мы не выдаём ліцэнзій на такое абсталяванне», — сказаў Трамп у інтэрв'ю Financial Times.

Зяленскі назваў апошнюю сустрэчу з прэзідэнтам ЗША «добрай» і паведаміў, што яны абмеркавалі «вытворчасць зенітных ракет Patriot і некалькі іншых ідэй». Паводле слоў прэзідэнта Украіны, Трамп «прыняў прапанову аб прадастаўленні нам ліцэнзій».

Сістэмы Patriot маюць жыццёва важнае значэнне для перахопу расійскіх балістычных ракет, якія накіроўваюцца на Кіеў і іншыя гарады. Таму пераканаць Трампа разгледзець магчымасць дазволіць Кіеву вырабляць гэтыя ракеты стала значным дасягненнем для Зяленскага, адзначае выданне.

Трамп таксама паведаміў Financial Times, што яго спецыяльныя пасланнікі Стыў Уіткаф і Джарэд Кушнер наведаюць Украіну ў найбліжэйшыя дні, пацвердзіўшы інфармацыю крыніц выдання. Гэта будзе іх першы візіт у Кіеў пасля некалькіх сустрэч з расійскім прэзідэнтам Уладзімірам Пуціным у Маскве.

«Калі казаць проста, мы хочам, каб вайна ва Украіне з Расіяй скончылася, — сказаў амерыканскі прэзідэнт. — Мне не патрэбныя ракеты. Нам патрэбны мір».

Каментары8

  • позвонил другу
    31.07.2026
    Друг владимир московский запретил
  • Карупцыя з'ядае Украіну знутры
    31.07.2026
    Лапідарны геній, калі казаць проста - уся справа ў тым, што некаторыя ўкраінцы вельмі любяць нажывацца/зарабляць грошы на вайне, у тым ліку прадаючы зброю. Таму невядома, куды, у якія краіны, можа трапіць выраблены ва Украіне Patriot.
    Таму няма даверу ў Трампа да ўкраінскага боку.
  • Василь
    31.07.2026
    Трамп гарни президент. І не вам яго критикувати

Цяпер чытаюць

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць56

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Блішчыць як Swarovski». Беларускі палююць на танныя бранзалеты з царкоўных крам3

Беларусь пераплочвае за транзіт калію праз Расію сотні мільёнаў даляраў23

Ілан Маск: Трэба спачуваць не толькі ўкраінцам, але і расіянам34

Банкі змякчаюць патрабаванні да геалакацыі для працы мабільных праграм1

Чыгуначная арка Крымскага моста атрымала пашкоджанні1

Luxvisage выпусціў шыкоўны адвэнт-каляндар у выглядзе цягніка. Яго зноў немагчыма набыць у Беларусі7

Стала вядома пра цяжкую сітуацыю сям'і, якая паўтара года таму трапіла ў жудаснае ДТЗ у Талачынскім раёне2

Жанчына тры гады не можа выехаць з райскага вострава. Выйсці з бюракратычнай пасткі ніяк2

Так выглядаў Уладзімір Пуцін у Шэньджэні ФОТА13

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць56

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць