Рэканструкцыю моста пачалі 6 ліпеня.
У бліжэйшы час рух гарадскога і спецыяльнага транспарту перанакіруюць на абноўлены ўчастак моста праз Свіслач на праспекце Незалежнасці (у раёне парку Горкага). Гэта дазволіць будаўнікам аператыўна пачаць рамонт астатняй часткі збудавання. Пра гэта стала вядома 4 жніўня падчас выязной нарады пад кіраўніцтвам намесніка старшыні Мінгарвыканкама Алега Корзуна, пішуць Мінск-навіны.
Рэканструкцыю моста пачалі 6 ліпеня. Паколькі ён мае гісторыка-культурную каштоўнасць, яго габарыты і знешні выгляд застануцца без зменаў. Не зменіцца і колькасць палос руху.
— Спецыялісты працуюць у паскораным тэмпе з апярэджаннем графіка. Для гэтага прыняты ўсе неабходныя меры, праведзены спецыяльныя мерапрыемствы, — растлумачыў Алег Корзун. — На гэтым тыдні ўчастак, дзе сёння выконваюцца работы, будзе заасфальтаваны.
Пасля гэтага «пераключым» рух гарадскога і спецыяльнага (які выкарыстоўваецца аварыйнымі службамі) транспарту на ўжо гатовую палову. З улікам таго, што дзве трэці работ ужо выкананы, стараемся аператыўна завяршыць рамонт, каб у бліжэйшы час адкрыць мост.
Збудаванне складаецца з трох арачных пралётаў. Два з іх ужо маюць высокую ступень гатоўнасці. Паралельна ідзе рэстаўрацыя гранітных сцен і парэнчаў — канструкцыі ачышчаюць ад старых слаёў фарбы і рамонтных складаў, праводзяць дэфектовку.
Сяргей Панёў падкрэсліў, што на першай палове моста ўсе тэхнічныя рашэнні ўжо адпрацаваны. Спецыялісты разлічваюць, што астатнюю частку адрамантуюць хутка, у штатным рэжыме.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»23
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары