Кіраўнік МЗС Расіі параўнаў дзеянні Германіі з падзеямі напярэдадні Другой сусветнай вайны.
Сяргей Лаўроў назваў дзеянні Германіі пасля выяўлення замінаваных дронаў каля аэрапорта Лейпцыг/Гале «пачаткам сапраўднай вайны». Пра гэта ён заявіў у інтэрв’ю расійскаму прапагандысту Паўлу Зарубіну.
«Лейпцыг, аэрапорт… Знайшлі нейкі там дрон. Сказалі: гэта расійскі дрон. Ніхто не стаў разбірацца. Гэта, увогуле, па вялікім рахунку, пачатак такой вайны сапраўднай», — сказаў Лаўроў.
У пачатку жніўня каля аэрапорта Лейпцыг/Гале знайшлі некалькі беспілотнікаў з выбухоўкай. Адзін з іх знаходзіўся побач з украінскім вайскова-транспартным самалётам, другі — непадалёк ад аэрапорта.
Міністр унутраных спраў Германіі Аляксандр Добрынт заявіў, што выканаўцы «гібрыднай атакі» дзейнічалі на замову расійскіх дзяржаўных структур. Пасля гэтага Германія закрыла расійскае генеральнае консульства ў Боне і «Расійскі дом» у Берліне, а таксама ўзмацніла кантроль за расіянамі, якія ўязджаюць у краіну.
«Я памятаю, што перад пачаткам Другой сусветнай вайны, Вялікай Айчыннай вайны, дакладней, немцы таксама свае дыпламатычныя місіі закрывалі», — пракаментаваў гэта Лаўроў.
Ён таксама заявіў, што канцлер Фрыдрых Мерц «ідзе, ну, па сутнасці, абвяшчаць нам вайну».
«Аказалася, што вось гэтыя метастазы нацызму пачынаюць прабівацца. Гэта небяспечная з’ява. Мне здаецца, расійскае кіраўніцтва зробіць адпаведныя высновы», — дадаў кіраўнік МЗС Расіі.
Тым часам нямецкія ўлады рыхтуюць план барацьбы з расійскімі гібрыднымі атакамі. У дзевяці стратэгічна важных гарадах плануюць размясціць спецыяльныя паліцэйскія падраздзяленні для барацьбы з дронамі. Яны будуць ахоўваць аэрапорты, вакзалы, урадавы квартал у Берліне і іншыя аб’екты крытычнай інфраструктуры.
Цяпер чытаюць
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна16
«Калі мне было два гады, сваякі павезлі мяне ў Беларусь». Праз сацсеткі дзяўчына адшукала бацьку-расіяніна — але скончылася гісторыя сумна
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5555
Каментары
Лавров, тебе на виселице висеть!
...а что это рашинских ботов нетути?
Шашлыки жрут, а с понедельника О5 за своё?)