Пяць беларускіх гандбалістаў збіраліся згуляць на клубным чэмпіянаце свету за каманду з ЗША. Але ўсё сарвалася
Пяць беларускіх гандбалістаў, якія раней былі заяўленыя за амерыканскую каманду «Лос-Анджэлес» для ўдзелу ў клубным чэмпіянаце свету па гандболе, усё ж не адправяцца на турнір у Егіпет. Пра гэта стала вядома выданню Bet News.
Першапачаткова паведамлялася, што ў склад амерыканскага клуба ўвайшлі тры гульцы Мінскага абласнога гандбольнага клуба (МАГК) Павел Міскевіч, Барыс Пухоўскі і Максім Велічкевіч, гулец мінскага СКА Яўген Ладуцька, а таксама цяперашні трэнер жаночага СКА Дзмітрый Камышык.
Аднак праз праблемы з афармленнем заяўкі ніводзін з пяці беларускіх спартсменаў не зможа ўдзельнічаць у будучым турніры. Ранейшыя звесткі пра іх удзел у складзе «Лос-Анджэлеса» не пацвердзіліся.
У складзе «Лос-Анджэлеса» значыцца расійскі лінейны Ян Віктараў, які адначасова з’яўляецца гульцом і менеджарам клуба. Менавіта ён абяцаў запрасіць беларускіх гандбалістаў для ўдзелу ў Super Globe.
Клубны чэмпіянат свету па гандболе пройдзе ў Егіпце з 24 верасня па 1 кастрычніка. У турніры возьмуць удзел дзесяць каманд. Чатыры з іх, у тым ліку «Лос-Анджэлес», павінны былі пачаць спаборніцтва з кваліфікацыйнага раўнда. Амерыканская каманда павінна сустрэцца з егіпецкім «Замалекам» 24 верасня за права выйсці ў групавы этап.
Склад груп турніру наступны: у групе А выступяць «Барселона» (Іспанія), «Мантада» (Марока), «Піньейрас» (Бразілія) і пераможца пары «Лос-Анджэлес» — «Замалек». У групе B згуляюць «Берлін» (Германія), «Аль-Ахлі» (Егіпет), «Бурган» (Кувейт) і пераможца пары «Сіднэй» (Аўстралія) — «Веспрэм» (Венгрыя).
Каманды, якія зоймуць аднолькавыя месцы ў групах, пасля сустрэнуцца ў стыкавых матчах за выніковыя пазіцыі. Клубы, што прайграюць у кваліфікацыі, правядуць два матчы за дзявятае месца.
Беларускіх гандбалістаў вяртаюць на міжнародныя спаборніцтвы
Знакаміты гандбольны трэнер Спартак Мірановіч расказаў, як яму патэлефаналі махляры
Названа папярэдняя меркаваная прычына смерці трэнера брэсцкага «Мяшкова» Эдуарда Какшарова
Беларускі гандбаліст не можа гуляць у партугальскім клубе праз праблемы з дакументамі
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары