Пентагон рыхтуе вайсковыя базы ЗША да таго, каб яны маглі функцыянаваць не менш за 90 дзён без знешняй падтрымкі.
Гэта робіцца з улікам магчымасці маштабнай сусветнай вайны, якая можа вывесці са строю энергасеткі, парушыць ланцужкі паставак і паставіць пад пагрозу крытычна важную інфраструктуру. Пра гэта ў нядзелю, 25 кастрычніка, паведаміў тэлеканал Fox News, які раскрыў падрабязнасці ініцыятывы Fortress, піша DW.
Так, яна прадугледжвае выкарыстанне мабільных ядзерных рэактараў, мікрасетак, вялікіх акумулятарных батарэй, а таксама стварэнне стратэгічных запасаў боепрыпасаў і паліва. Гэтая мера накіраваная на забеспячэнне здольнасці амерыканскіх войскаў працягваць баявыя дзеянні нават у выпадку збояў у працы грамадзянскіх сістэм.
Пентагон таксама стварае ўмовы для пераарыентацыі грамадзянскіх заводаў на абаронную вытворчасць у выпадку крызісу, рыхтуе альтэрнатыўныя ланцужкі паставак і стратэгічныя запасы для бесперабойнага забеспячэння ўзбраеннем, палівам і іншымі неабходнымі матэрыяламі.
Праграма закране кожны буйны ваенны аб'ект у кантынентальнай частцы ЗША.
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна44
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары