Сукупнае багацце дзясяткі галоўных мільярдэраў свету за месяц зменшылася амаль на 300 мільярдаў даляраў
Агульнае багацце дзесяці найбагацейшых людзей свету за кастрычнік 2026 года скарацілася на 273 мільярдаў даляраў і на 1 лістапада складала 2,8 трыльёна даляраў. Як паведамляе Forbes, прычынай стала падзенне акцый тэхналагічных кампаній на фоне слабых фінансавых вынікаў і асцярог інвестараў наконт вялікіх выдаткаў на развіццё штучнага інтэлекту.
Найбольш пацярпеў заснавальнік Tesla і SpaceX Ілан Маск: за месяц ягоны капітал зменшыўся на 68 мільярдаў даляраў — да 869 мільярдаў. Асноўнай прычынай стала падзенне кошту акцый SpaceX на 11%. Яны складаюць амаль 80% яго багацця. Рост акцый Tesla на 13% не змог кампенсаваць гэтыя страты.
Другое месца па памеры страт заняў сузаснавальнік Google Лары Пэйдж, які страціў 53 мільярды даляраў. Яго капітал ацэньваецца на 233 мільярдаў. Яшчэ адзін сузаснавальнік Google Сяргей Брын за месяц страціў 49 мільярдаў даляраў, а ягонае багацце цяпер складае 214 мільярдаў. Пры гэтым акцыі мацярынскай кампаніі Google — Alphabet — патаннелі больш чым на 18%.
З дзесяці найбагацейшых людзей свету ў кастрычніку павялічыць свой капітал здолелі толькі двое — Стыў Балмер і Уорэн Бафет.
Заснавальнік Microsoft Стыў Балмер разбагацеў на 1 мільярд даляраў, дасягнуўшы капіталу на 162 мільярды. Гэта адбылося пасля росту акцый Microsoft на 2%.
Інвестар Уорэн Бафет павялічыў сваё багацце на 13 мільярдаў даляраў — да 154 мільярдаў. Акцыі яго кампаніі Berkshire Hathaway падаражэлі на 9%.
Дзесяць найбагацейшых асоб свету на пачатак лістапада 2026 года:
- Ілан Маск (Tesla і SpaceX) — 869 мільярдаў даляраў (мінус 68 мільярдаў за месяц). Асноўныя актывы —.
- Джэф Безас (Amazon) — 361 мільярд (мінус 8 мільярдаў).
- Лары Пэйдж (Google) — 233 мільярды (мінус 53 мільярды).
- Майкл Дэл Dell Technologies — 229 мільярдаў (мінус 40 мільярдаў).
- Сяргей Брын (Google) — 214 мільярдаў (мінус 49 мільярдаў).
- Марк Цукерберг (Meta) — 211 мільярдаў (мінус 40 мільярдаў).
- Джэнсэн Хуанг (Nvidia) — 178 мільярдаў (мінус 22 мільярды).
- Лары Элісан (Oracle) — 172 мільярды (мінус 8 мільярдаў).
- Стыў Балмер (Microsoft) — 162 мільярды (плюс 1 мільярд).
- Уорэн Бафет (Berkshire Hathaway) — 154 мільярдаў (плюс 13 мільярдаў).
Цяпер чытаюць
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна10
Каментары