Pałonka ŭ voziery pad Čelabinskam — usio ž ad mietearytu
U Čelabinskaj vobłaści praciahvajecca pošuk frahmientaŭ mietearyta, što ŭpaŭ 15 lutaha. Padzieńnie adnaho ź ich utvaryła kruhłuju pałonku na voziery Čebarkul u Čelabinskaj vobłaści. U voziera vypravili bryhadu vadałazaŭ, jakija šnyparać na dnie. Dyjamietr znojdzienych abłomkaŭ składaje ad 0,5 da adnaho santymietra. Usie ich sabrali na lodzie. Najbolšy ž frahmient znachodzicca niedzie na dnie.
Pavodle acenak navukoŭcaŭ NASA, padzieńnie mietearytu pamieram z Čelabinski zdarajecca raz na 100 hadoŭ.Padzieńnie niabiesnaha cieła pamieram z Tunhuski mietearyt — raz na 200–1000 hadoŭ. A voś katastrafičny ŭdar u ziamlu asteroida typu taho, krater jakoha vyjaŭleny na mieksikanskim paŭvostravie Jukatan — raz na 50–100 miljonaŭ hadoŭ. Toje padzieńnie vyklikała miehacunami, hłabalnyja ziemlatrusy i vyviaržeńni vułkanaŭ, masavyja lasnyja pažary. Ziamlu tady zaciahnuła sažaj i pyłam, što vyklikała padzieńnie tempieratury na mnohija hady.
Čelabinski mietearyt — druhi ŭ historyi, pra padzieńnie jakoha navukoŭcy atrymali stolki dakumientalnych faktaŭ.
Usio čaściej navukoŭcy i dziaržaŭnyja dziejačy staviać pytańnie pra stvareńnie sistemy vyjaŭleńnia niebiaśpiečnych asteroidaŭ, a z časam i zbroi, zdolnaj ich źniščać na padlocie da Ziamli. Pakul, adnak, navuka na toje niazdolnaja.
Nahadajem, mietearyt vybuchnuŭ nad Čelabinskaj vobłaściu ranicaj 15 lutaha.
Mahutnaść vybuchu, jaki adbyŭsia paśla ŭvachodu mietearyta ŭ atmaśfieru, skłała, pavodle acenak NASA, ad 300 da 500 kiłaton.Pavodle tych samych acenak, dyjamietr mietearyta składaŭ kala 17 mietraŭ, a masa — prykładna 10 tysiač ton. Mietearyt uvajšoŭ u ziamnuju atmaśfieru na chutkaści nie mienš za 64 000 kiłamietraŭ za hadzinu i vybuchnuŭ na vyšyni ad 19 da 24 kiłamietraŭ.
-
Samsung prapanuje srodak ad młosnaści padčas pajezdki — śpiecyjalny huk sinusoidnaj chvali praz słuchaŭki
-
IT-hihanty masava zvalniajuć supracoŭnikaŭ, kab apłacić vykarystańnie štučnaha intelektu
-
Navukoŭcy razhadali adzin z hałoŭnych sakretaŭ Vialikaj piramidy — jak jana zdoleła vystajać padčas ziemlatrusaŭ
Kamientary