Pradstaŭnikam mocnaha połu nieabchodny «žanočy» harmon estrahien, kab padtrymlivać svaju seksualnaść i zmahacca ź lišniaj vahoj.
Da takoj vysnovy pryjšli daśledčyki z Centralnaha špitala Masačusetsa pad kiraŭnictvam doktara Džoeła Finkielstejna.
Jany vyśvietlili, što mužčyny ź nizkim uzroŭniem estrahienu mohuć trapić u tak zvanuju «mužčynskuju mienopauzu», adnym ź simptomaŭ jakoj i źjaŭlajecca nizkaje libida.
«Mnohija rečy, jakija my śpisvajem na deficyt testasteronu, na samaj spravie źviazanyja z deficytam estrahienu, — kaža doktar Finkielstejn. — Testasteron heta mužčynski pałavy harmon, i niekatoruju jaho častku my pierapracoŭvajem ŭ estrahien.
Uzrovień abodvuch harmonaŭ z hadami źnižajecca. Ale nie varta śpiašacca za injekcyjami testasteronu, kali vy nie adčuvajecie raniejšaha drajvu ŭ łožku. Mahčyma, pakłapacicca varta pra inšy harmon».
U daśledavańni ŭdzielničali 400 zdarovych mužčyn va ŭzroście ad 20 da 50, jakija atrymlivali štomiesiačnyja injekcyi lekaŭ dla źnižeńnia ŭzroŭniu testasteronu da pakazčykaŭ dapadletkavaha pieryjadu.
Kali meta była dasiahnutaja, častka mužčyn pačała atrymlivać roznyja dozy testasteronavaha hiela abo pustyški, a pałovie dobraachvotnikaŭ davali leki dla praduchileńnia ŭtvareńnia estrahiena.
Heta dazvoliła daśledčykam supastavić samyja roznyja ŭzroŭni harmonaŭ i vyznačyć ich upłyŭ na mužčynskaje zdaroŭje.
Lepš za ŭsio sprava išła ŭ mužčyn, čyj uzrovień testasteronu ros z uzroŭniem estrahienu.
-
Alimpijski pryzior Maksim Niedasiekaŭ ažaniŭsia druhi raz. Hetym razam z Łalitaj
-
Maładoje pakaleńnie pierastała hetaha saromiecca: 22% amierykancaŭ pakaleńnia Z ličać siabie ŁHBTK. Absalutnaja bolšaść ź ich — heta biseksuały
-
Biełarus zrabiŭ prapanovu kachanaj kala znakamitaha fantana Trevi ŭ Rymie — pad apładysmienty dziasiatkaŭ turystaŭ
Kamientary