Čarhovy vałanciorski vyjezd u bližejšuju subotu, 16 listapada.
Kaścioł Uniebaŭziaćcia Najśviaciejšaj Maryi Panny ŭ Ziembinie 1809 h. unikalny pomnik architektury. Abjekt, jakim skončana epocha baroka ŭ Biełarusi. Kaścioł pry klaštary daminikanaŭ, kaścioł jaki pamiataje i vajnu 1812 h., i Napaleona, jaki adpačyvaŭ tut paśla Biarezinskaj pierapravy, i paŭstańnie 1863 h., i padziei saviecka-polskaj vajny 1920 h., i tatalnaje zmahańnie ź vieraj, i strašnyja dla Biełarusi padziei 1941–1944 hh.
Ni vojny, ni inšyja histaryčnyja kataklizmy nie paŭpłyvali na kaścioł. Paŭpłyvała ludskaja abyjakavaść.
Jašče 30 hod tamu ŭ budynka byŭ dach i byli zachavany kanstrukcyi sklapieńniaŭ. Zaraz tolki ścieny, tolki pierymietr, dy šykoŭny franton na hałoŭnym fasadzie.
Pobač z kaściołam – staryja mohiłki z pachavańniami kan. 18 – pač. 20 stst. I ruiny i mohiłki patrabujuć dahladu i tamu nie pieršy hod Biełaruskaje dobraachvotnaje tavarystva achovy pomnikaŭ starajecca palepšyć situacyju z pomnikam, kali dakumientalnaj pracaj, kali arhanizujučy vałanciorskija desanty. I zaraz rychtujecca čarhovy vałanciorski vyjezd na bližejšuju subotu, 16 listapada 2013 h.
Zaprašajem usich achvočych pryniać udzieł u mierapryjemstvie i źviartajemsia da žurnalisckaj supolnaści. Nam patrebna Vaša padtrymka, Vaša prysutnaść na mierapryjemstvie, bo prablema patrabuje aśviatleńnia.
Prablema zachavańnia kaścioła chvaluje nievialičkuju miascovuju parafiju, chvaluje siabroŭ Tavarystva, miascovy sielsaviet, ale nie znachodzić ni vodhuku, ni krokaŭ nasustrač z boku rajvykankamu.
Usie žadajučyja pryniać udzieł u mierapryjemstvie možacie zapisacca pa teł. +375 29 111 73 32 ci pa elektronnamu adrasu: [email protected]
Mierapryjemstva adbudziecca pry padtrymcy i ŭ miežach ahulnanacyjanalnaj kampanii 16 listapada «Budźma biełarusami».
Ciapier čytajuć
Chto zabaraniaje ŭ Biełarusi knihi — voś hetyja 22 čałavieki30
Chto zabaraniaje ŭ Biełarusi knihi — voś hetyja 22 čałavieki
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary