Zapłanavanaja na sieradu sustreča prezidenta Ukrainy Viktara Janukoviča ź lidarami apazicyi adbudziecca paśla taho, jak u Kijevie spynicca ŭzbrojenaje supraćstajańnie.
Pra heta ŭ kamientary Radyjo Svaboda skazała deputat ad Partyi rehijonaŭ Hanna Hierman.
«Pieramovy adbuducca, tolki kali spyniacca mietady baraćby, kali apazicyja prybiare ludziej sa zbrojaj z vulic i kali adnovicca spakoj u krainie. Tady treba sadzicca za stoł pieramovaŭ», — adznačyła jana.
«Treba damaŭlacca. Toje, što robić ciapier apazicyja, zaklikajučy dalej da ŭzbrojenaha supraćstajańnia, — heta vialikaje złačynstva suprać ukrainskaha naroda i ŭkrainskaj dziaržavy», — zajaviła Hierman.
«Lidary apazicyi pavinny apamiatacca i spynić vieści ludziej na krovapralićcie», — dadała jana.
Pavodle jaje słoŭ, prezident Ukrainy «zaklikaŭ i zaklikaje da taho, kab viarnucca da mirnych pieramovaŭ, kab viarnuć u krainu spakoj i spynić krovapralićcie».
Kamientary