Vasil Drańko-Majsiuk — syn viadomaha paeta — napisaŭ pjesu «Piaśniar». Tvor, pryśviečany tvorčaści Uładzimira Mulavina, jamu zamoviła dla pastanoŭki Valancina Jerańkova, režysior Ruskaha teatra.
Dla teatralnaj Biełarusi — heta sapraŭdnaja padzieja.
Pa svaim duchu NADT imia M.Horkaha źjaŭlajecca adnym z samych ruskich teatraŭ Minska i vielmi daloki ad biełaruskaści. Z ajčynnaj tematykaj źviazanyja tolki padziei «Panie Kachanku» Andreja Kurejčyka.
Što tyčycca dramaturhaŭ, dyk tolki čaćviora ź ich – ajčynnyja (Kurejčyk, Alaksiej Dudaraŭ, Andrej Makajonak, Alena Minčukova). Ich tvory iduć pa-rusku. A voś «Piaśniar» budzie pastanoŭkaj dvuchmoŭnaj.
Dla Vasila Drańko-Majsiuka — heta dramaturhičny debiut. Pavodle pieršaj adukacyi jon kulturołah, pavodle druhoj — dramatyčny režysior.
U 2011 hodzie jon pastaviŭ u Respublikanskim teatry biełaruskaj dramaturhii śpiektakl «Ščaślivy muž» — fars pavodle adnajmiennaj pjesy Franciška Alachnoviča. Ciapier pracuje akcioram u Maskvie.
Drańko-Majsiuk napisaŭ pjesu nie pra žyćcio Mulavina, a pra jaho tvorčaść. Zhodna ź siužetam, hieroj budzie sustrakacca z kłasikami, na čyje vieršy abapiraŭsia ŭ svajoj tvorčaści (Jankam Kupałam, Jakubam Kołasam, Maksimam Bahdanovičam, Ciotkaj) i vieści ź imi havorku.
U pastanoŭcy prahučać frahmienty ź pieśniaŭ «Pieśniaroŭ».
Premjera śpiektakla zapłanavana na kastryčnik 2014 hoda.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ6
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary