U vydaviectvie «Halijafy» pabačyła śviet kniha Ryhora Baradulina «Sny sasny».
Prezientacyja adbudziecca 13 červienia a 19 hadzinie ŭ kniharni «Halijafy» ( Miensk, Vałhahradskaja, 6)
U imprezie voźmuć udzieł:
teatr «Žyvoje słova»
Alesia Sivochina
Aleś Kamocki
Ludmiła Chiejdarava-Paŭlikava
Aleś Kamocki:
«Hetaje vydańnie płanavałasia jašče čatyry hady tamu, ale tady nie ździejśniłasia, zamiest jaho źjaviłasia knižka vieršaskazaŭ Ryhora Baradulina «Navošta».
Minułaj vosieńniu pra «Sny sasny» ŭspomniłasia hałoŭnym čynam z-za taho, što ŭsie ŭklučanyja ŭ zbor vieršy sam paet pračytaŭ pierad mikrafonam.
Ja paabiacaŭ Baradulinu, što da nastupnaj vosieni knižka pabačyć śviet razam z aŭdyjodyskam –- u zvykłym farmacie sieryi, jakaja zadumałasia 10 hadoŭ tamu, kali Ryhor Baradulin dapamahaŭ Vadzimu Hrudźku z padrychtoŭkaj i napisaŭ pradmovu da jahonaha fotaalbomu «Kraj», układańniem jakoha vypała zajmacca mnie. A ciapier, kali pryjšoŭ čas vydać knižku Baradulina, składzienuju jašče ŭ 2010-m hodzie, užo Vadzim paśpiašaŭsia na dapamohu. I ja, pamiatajučy, jak zachaplaŭsia Baradulin pracami Vadzima, z radaściu hetuju dapamohu pryniaŭ.
Da vosieni my paśpieli. I voś jana pierad vami, knižačka vybranych vieršaŭ, ahučanaja aŭtaram i azdoblenaja fotaabrazkami, jakija zrabiŭ Vadzim Hrudźko».
Kamientary