U čaćvier, 18 śniežnia, pavinien vyści na svabodu palitviazień Eduard Łobaŭ, jaki pravioŭ za kratami roŭna čatyry hady.
Eduard pavinien vyjści z kałonii «Voŭčyja nory» ŭ Ivacevičach.
Łobaŭ byŭ zatrymany razam sa Źmitrom Daškievičam 18 śniežnia 2010 h., za dzień da prezidenckich vybaraŭ.
Pavodle milicyi, u dvary žyłoha doma pa vulicy Janki Bryla jany nibyta źbivali Kanstancina Savickaha i Aleha Małyšava. Zatrymańnie Daškieviča i Łobava było aceniena jaje previentyŭnaja miera milicyi napiaredadni prezidenckich vybaraŭ. 24 sakavika 2011 h. Łobaŭ byŭ pryhavorany da čatyroch hadoŭ pazbaŭleńnia voli ŭ kałonii ŭzmocnienaha režymu, a Daškievič — da dvuch hadoŭ.
Kali Łobaŭ zaŭtra vyjdzie na volu, za kratami ŭ Biełarusi zastaniecca piać palitviaźniaŭ:
kandydat u prezidenty Mikoła Statkievič, jaki asudžany na šeść hadoŭ źniavoleńnia. Jon pavinien vyjści na volu praz dva hady, 19 śniežnia 2016 hoda. Adbyvaje pakarańnie: 212011 h. Mahiloŭ, vuł.Krupskaj, 99a, turma № 4, ale 12 studzienia pavinien być pieraviedzieny ŭ kałoniju,
taksama za kratami znachodziacca čatyry anarchisty:
Mikałaj Dziadok, asudžany na 4,5 hoda turmy. Pavinien vyjści na volu 6 sakavika 2015 hoda. Adbyvaje pakarańnie: 212011 h. Mahiloŭ, vuł.Krupskaj, 99a, turma № 4
Ihar Alinievič, asudžany na 8 hadoŭ źniavoleńnia. Pavinien vyjści na volu 6 vieraśnia 2018 hoda. Adbyvaje pakarańnie: 211440 Viciebskaja vobł., h. Navapołack, vuł. Techničnaja, 8, papraŭčaja kałonija № 10
Jaŭhien Vaśkovič, asudžany na 7 hadoŭ źniavoleńnia. Pavinien vyjści na volu ŭ studzieni 2018 hoda. Adbyvaje pakarańnie: 212011 h. Mahiloŭ, vuł.Krupskaj, 99aturma № 4
Arciom Prakapienka, asudžany na siem hadoŭ źniavoleńnia. Pavinien vyjści na volu ŭ studzieni 2018 hoda. Adbyvaje pakarańnie: 212013, h. Mahiloŭ, Słaŭharadskaja šaša, 183, VK № 15.
Ciapier čytajuć
Prakuratura choča, kab milicyja bolš žorstka karała chatnich tyranaŭ: patrabujuć aktyŭniej vykarystoŭvać achoŭnaje pradpisańnie1
Kamientary