Pakazańni druhoj «čornaj skryni» samalota Germanwings A320, jaki raźbiŭsia ŭ francuzskich Alpach, paćvierdzili, što druhi piłot Andreas Lubic naŭmysna raźbiŭ samalot. Pra heta sa spasyłkaj na śledčych paviedamlaje AFP.
«Lotčyk, jaki znachodzicca ŭ kabinie, z dapamohaj aŭtapiłota źnižaje samalot da vyšyni ŭ 100 futaŭ (30 mietraŭ) i paśla hetaha pieranaładžvaje aŭtapiłot tak, kab pavialičyć chutkaść źnižeńnia łajniera», — havorycca ŭ dakładzie BEA.
Druhi bartavy samapisiec Airbus A320 byŭ znojdzieny na miescy krušeńnia samalota napiaredadni. Prakuror Marsela Brys Raben zajaviŭ u čaćvier, što stan «čornaj skryni» «daje nadzieju» na toje, što dadzienyja z pryłady buduć rasšyfravanyja.
Zhodna z rasšyfroŭkaj pieršaha samapisca, niezadoŭha da avaryi kamandzir ekipaža pakinuŭ kabinu, paśla čaho Lubic źmianiŭ kod na dźviarach i nie puskaŭ piłota nazad. Kamandzir ŭ apošnija chviliny žyćcia maliŭ adkryć «praklatyja dźviery» i sprabavaŭ uzłamać ich siakieraj.
Pasažyrski samalot Airbus A320 niamieckaj avijakampanii Germanwings, jaki lacieŭ ź Ispanii ŭ Hiermaniju, paciarpieŭ krušeńnie ŭ ciažkadastupnym hornym rajonie na poŭdni Francyi 24 sakavika. Na jaho borcie znachodzilisia 144 pasažyry i šeść členaŭ ekipaža.
Napiaredadni taksama stała viadoma, što ŭ Lubica byli prablemy sa zrokam, adnak jon chavaŭ ad daktaroŭ, što praciahvaje lotać.
Ciapier čytajuć
U Estonii aryštavany Aleh Maisiejeŭ, kažuć jaho znajomyja. Heta były kiroŭca Cichanoŭskaj, jaki z časam staŭ jaje zaciatym krytykam23
Kamientary