Navukoŭcy zrazumieli adroźnieńni čałavieka ad małpy
Nie praca, a tłuščy zrabili z małpy čałavieka.
Amierykanskija antrapołahi atrymali adkazy na šerah pytańniaŭ ab evalucyi čałavieka ŭ apublikavanym u časopisie Proceedings of the National Academy of Sciences daśledavańni tkanak banoba (albo karlikavych šympanze), najbližejšaj našaj radni sa śvietu sučasnych małpaŭ.
Padobna, što evalucyi małpy ŭ čałavieka paspryjała pierasialeńnie z tropikaŭ u savany, jakoje dało vynikam śpiecyfičnuju dyjetu.
Prymaty adroźnivajucca ad nas nie tolki tym, što majuć mienšy mozh ci chodziać čaściej na čatyroch łapach. Ale prasačyć evalucyju tolki pa kostkach było ciažka: jany dajuć chiba 15% masy cieła i daloka nie 100% infarmacyi.
Miakkich tkanak ad prodkaŭ čałavieka nie zastałosia, ale pa analizie miakkich tkanak 13 pamierłych (z naturalnych pryčyn) sučasnych banoba atrymałasia vyjavić, jak mahła adbyvacca evalucyja. Daśledavańnie pakazała, što miakkija tkanki čałavieka utrymlivajuć bolš tłuščoŭ, majuć mienšuju masu ciahlic, a pakryvaje ich skura mienšaj płoščy.
Navukoŭcy miarkujuć, što pry pierasialeńni prodkaŭ čałavieka ŭ bolš chałodnyja krai źmianiłasia dyjeta: źmiašanaja raślinnaść, siezonny deficyt ježy dy niestabilnaść u apadkach prymusili prota-čałavieka zapasać tłuščy na vypadak kryzisnaj situacyi. Da taho ž, tłuščy dapamahli samkam bolš efiektyŭna vynošvać dzicia.
Praź źmianšeńnie masy ciahlic prodkam čałavieka stała praściej chadzić na zadnich łapach-nahach. A chadzić prychodziłasia ŭsio bolej — na ściohnach naraśli ciahlicy. A skura «ścisnułasia» dziela bolš efiektyŭnaha ciepłaabmienu.
Cichanoŭski prapanavaŭ radykalna pierahledzieć stratehiju dla Biełarusi33
Cichanoŭski prapanavaŭ radykalna pierahledzieć stratehiju dla Biełarusi
Pamiatajecie ŭkrainku, jakuju rasijanie pryviazali da słupa? Tyja, chto jaje katavaŭ, za hady vajny amal usie zahinuli. A voś što robić ciapier jana2525
Kamientary