Z 21 listapada da 19 śniežnia ŭ Viciebskim centry sučasnaha mastactva projdzie seryja kinapakazaŭ niamych filmaŭ z žyvoju muzykaj. Siarod zajaŭlenych vykanaŭcaŭ – Siarhiej Pukst, Tonqixod, Re1ikt, Jahor Zabiełaŭ.
U art-prajekcie «Kinapalot» voźmuć udzieł vykanaŭcy, jakija ahučyli pieršyja biełaruskija niamyja filmy ŭ miežach prajektu «Tuzin.Niemaŭla» –Re1ikt, Siarhiej Pukst, Tonqixod. U ich žyvym muzyčnym supravadžeńnibuduć pakazanyja filmy «U ahni narodžanaja» (1929), «Kastuś Kalinoŭski» (1927),«Nianaviść» (1930). U prahramu festyvalu ŭklučany taksama vystup Jahora Zabiełava z muzykaju da francuzskaha niamoha filmu «Mienimaltan» (1926). Kožny kinakancert budzie składacca ź dźviuch častak – ułasna kino z muzykaju i seta z aŭtarskich kampazycyj.
«Apošnim časam u Viciebsku adbyvajecca sapraŭdny kulturnicki vybuch. Akrom tradycyjnych formaŭ aktyŭnaści, jak kancerty i vystavy, davoli papularnymi stali niefarmalnyja kinapakazy, – raspaviadaje zavadatar kinapakazaŭ Uładzimier Bułaŭski. – Tamu «Kinapalot» dla Viciebska źjaŭlajecca nia tolki peŭnym ekśpierymentam, ale i sprobaj abjadnać pad adnoju šyldaju kino i muzyku i lakalizavać u prastory i časie jaskravych pradstaŭnikoŭ niezaležnaj muzyčnaj sceny Biełarusi. Da ŭsiaho, adna z metaŭ «Kinapalota» jość pryciahnieńnie ŭvahi da rańniaha biełaruskaha kiniematohrafu, što, biezumoŭna, moža natchnić i sučasnych tvorcaŭ».
«Kinapalot» – nazva, jakaja adsyłaje žycharoŭ Viciebska da 1980-ch hh., kali dziejničaŭ dziciačy kinateatar «Palot», što mieściŭsia ŭ samalocie TU-134 na Maskoŭskim praspekcie.
U ramkach art-prajektu «Kinapalot» projdzie taksama vystava «250», jakaja była stvorana da 250-hodździa Michała Kleafasa Ahinskaha. Vystava składajecca ź filma, muzyki, skulptury i troch fotahistoryj.
Mierapryjemstvy «Kinapalota» možna naviedać z 21 listapada pa 19 śniežnia na placoŭkach Viciebskaha centra sučasnaha mastactva.
Prahrama prajektu «Kinapalot»:
21.11 –Yegor Zabelov, «Mienimaltan»: 1926, FRA¸ Dźmitry Kirsanaŭ («VCSM«, vuł. Biełabarodava, 5).
28.11 – Siarhiej Pukst, «Kastuś Kalinoŭski»: 1928, BY, Uładzimir Hardzin. («VCSM«, vuł. Biełabarodava, 5).
12.12 –Tonqixod, «Nianaviść»: 1930,BY, Jury Taryč («VCSM«, vuł. Biełabarodava, 5).
19.12 –Re1ikt, «U ahni narodžanaja»: 1929, BY, Uładzimir Korš-Sablin («VCSM«, vuł. Biełabarodava, 5).
05.12 - 19.12 –«250»– prajekt-pryśviačeńnie Michału Ahinskamu («Art-prastora», Tałstoha, 7).
Kvitki na «Kinapalot» vy možacie nabyć na placoŭkach VCSM:
— vystavačnaja zała, vuł. Biełabarodava,5
— vystavačnaja zala, vuł. Frunze,11
— Art prastora, vuł. Tałstoha,7
A taksama na ŭvachodzie. Košt kvitka – 80 000 rub. VIP-kvitok na ŭsie 4 kinapakazy + vystava – 300 000 rub.
Infarmacyja: +375259133876.
Kamientary