Rasijskaja palicyja pačała rasśledavańnie ŭ ramkach administracyjnaha zakanadaŭstva pa fakcie napadu na apazicyjnaha palityka Michaiła Kaśjanava ŭ maskoŭskim restaranie. Takim čynam, u palicyi nie stali razhladać incydent jak pahrozu žyćciu i biaśpiecy palityka i pačynać rasśledavańnie pa prykmietach kryminalnaha złačynstva.
Nijakich źviestak ab chodzie rasśledavańnia ŭ palicyju nie raskazali.
Michaił Kaśjanaŭ paskardziŭsia na napad hrupy asobaŭ z 10 čałaviek u restaranie ŭ centry Maskvy ŭviečary 9 lutaha. Pa słovach palityka, nieznajomyja jamu ludzi kaŭkazskaj źniešnaści vykrykvali pahrozy na adras Kaśjanava va ŭstanovie, a zatym kinuli ŭ jaho tort, paśla čaho źbiehli.
Paśla incydentu Kaśjanaŭ padaŭ zajavu ŭ palicyju pra pahrozu žyćcia i biaśpieki.
Kiraŭnik Čačni Ramzan Kadyraŭ, raniej publikavaŭ u svaim instahramie videa z Kaśjanavym u pierakryžavańni pryceła, adreahavaŭ na napad na palityka kamientarom «)))) znoŭ ja))))?!» da dopisa ŭ instahramie vydańnia «Kaŭpalit».
Ciapier čytajuć
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski2121
Kamientary