Novy etap: praz 25 hadoŭ paśla adnaŭleńnia «Našaj Nivy» hazieta pierachodzić u internet, na papiery zrobicca štomiesiačnikam

25 hadoŭ tamu vyjšaŭ pieršy numar adnoŭlenaj NN. Voś tak vyhladała jaho pieršaja staronka:

Pavialičyć

Dyzajn zaŭtrašniaha numara haziety ŭznaŭlaje toj histaryčny momant. Dziakuj vam, čytačy, za viernaść!

Pavialičyć

Praz 25 hadoŭ paśla adnaŭleńnia «Našaj Nivy», praz 110 hadoŭ ad jaje zasnavańnia Redakcyja robić važny krok.

Zaraz «Naša Niva» — heta budzie ŭ pieršuju čarhu internet-sajt NN.BY.

A na papiery ad 1 lipienia «Naša Niva» budzie vychodzić u farmacie štomiesiačnika na 24 staronkach.

Za internetam — budučynia. Jon dastupny imhnienna i na ŭsioj płaniecie.

Heta technałahičnaja revalucyja, jakaja adbyvajecca pa ŭsim śviecie.

Pierachod z papiery ŭ internet taki ž epachalny, jak kaliści vynachodnictva knihadruku ci raspaŭsiud elektryčnaści. Nie treba jaho bajacca: biełaruskaja kultura, biełaruskaja supolnaść dastatkova mocnyja, i ličbavaja revalucyja nam daje novyja mahčymaści dla raźvićcia.

Papiarovy štomiesiačnik zachavaje vydavieckuju tradycyju. Heta budzie spakojnaje čytvo dla ludziej ź inšym tempam spažyvańnia infarmacyi.

U papiarovym štomiesiačniku budzie drukavacca samaje istotnaje, niestarejučaje: analityka, hutarki, historyja, litaratura.

Za apošnija 12 miesiacaŭ my apublikavali šmatlikija žurnalisckija rasśledavańni (uzhadajcie Drazdy abo Kaściukovičy), adkryli novyja imiony (uzhadajcie Horvata), nadrukavali dziasiatki histaryčnych artykułaŭ, dziasiatki apaviadańniaŭ i vieršaŭ, ese, hutarak. Heta kałasalny kulturny i hramadski bahaž. Usio heta budzie traplać u papiarovy štomiesiačnik.

Padpisny indeks zastajecca toj samy: 63125.

Forma mianiajecca, sutnaść niaźmiennaja. «Naša Niva», jak i 110 hadoŭ tamu, «słužyć usiamu biełaruskamu narodu» i budzie «lustram žyćcia, kab ad nas, jak ad lustra, śviatło padała ŭ ciomnaść».

Štomiesiačnaja «Naša Niva» i sajt NN.BY zmohuć vychodzić, kali vy budziecie fundavać ich. Adpravić hrošy na vydańnie «Našaj Nivy» možna za niekalki klikaŭ praź sistemu «Raźlik» (ARIP).

Kali 25 hadoŭ tamu, u mai 1991 hoda, byŭ adnoŭleny vychad haziety «Naša Niva», spačatku jana była štomiesiačnym vydańniem. U 1996 hodzie stała štotydniovym, ale ŭ kancy hoda pierajšła na vychad dva razy na miesiac. Tady ŭ haziecie drukavałasia pieravažna publicystyka, litaratura i historyja.

Kančatkova štotydniovaj «NN» stała z 1999 hoda, i ŭ takim farmacie na papiery praisnavała 17 hadoŭ. Ciažkija časy hazieta pieražyła z 2006 da 2008 hoda, kali raspaŭsiud praz «Biełsajuzdruk» i «Biełpoštu» byŭ zabaronieny. Ale ž vystajała dziakujučy vałancioram, jakija dastaŭlali jaje padpisčykam i tym ludziam, što achviaravali na vydańnie hrošy.

Ale hałoŭnaje, što adbyłosia dziakujučy toj zabaronie, — ad 2006 hoda «NN» uziała kurs na raźvićcio sajta. 

Na siońnia NN.BY maje najbolš prahladaŭ siarod sajtaŭ usich daŭniejšych haziet. My pieršymi stali raźvivać videa na sajcie, siarod pieršych stvaryli staronki ŭ sacyjalnych sietkach, u apošni čas vialikim pośpiecham stała viersija dla mabilnych telefonaŭ M.nn.by.

NN.BY — samaja papularnaja staronka na biełaruskaj movie.

Zhodna z Google Analytics, u internecie na nn.by štomiesiac zachodziać z paŭmiljona kampjutaraŭ, prahladajuć 7 miljonaŭ staronak. Zasnavalniki «NN» pra takoje mahli tolki maryć.

U 1991 Nił Hilevič byŭ kateharyčna suprać adnaŭleńnia «Našaj Nivy». Jon ličyŭ, što vydańnie pavinna zastacca pomnikam. Jak pakazaŭ čas, jon nie mieŭ racyi, a Siarhiej Dubaviec byŭ pravidcam. «Naša Niva» akazałasia zapatrabavanaja. Zaraz, u internecie, biełaruskamoŭnaja hazieta praisnuje da taje pary, pakul jana budzie treba ludziam, pakul ludzi buduć jaje fundavać.

Funduj NN tut.

• 0
• 0
• 0
• 0
• 0
• 0
• 0
• 0