Łaziery, bijatechnałohii, teraryzm i hipierhukavyja rakiety: Pientahon acaniŭ pierśpiektyvy vajny ŭ 2035 hodzie
Dakumient «Adzinaja apieratyŭnaja prastora 2035» apublikavaŭ u lipieni Abjadnany kamitet načalnikaŭ štabaŭ ZŠA, kab paviedamić hramadstvu pra vykliki i prablemy, jakija paŭstanuć pierad uzbrojenymi siłami ŭ bližejšyja 20 hod.
Spabornictva vialikich dziaržaŭ, terarystyčna-paŭstanckija ruchi i masavyja mihracyi znoŭ buduć charaktaryzavać vajenna-palityčnuju abstanoŭku, nahadvajučy hady paśla Druhoj suśvietnaj vajny i pieryjad dekałanizacyi.
Adnačasova buduć raspaŭsiudžvacca novyja technałohii, u tym liku śmiarotna niebiaśpiečnyja.
«Transnacyjanalnyja złačynnyja arhanizacyi, terarystyčnyja hrupoŭki i inšyja niedziaržaŭnyja pahrozy ź vialikaj vierahodnaściu vykarystajuć chutkaje pašyreńnie novych technałohij, kab arhanizoŭvać, finansavać i pravodzić składanyja ataki i kambinavać ich u miežach bujnych bolš praciahłych kampanij», — pišuć aŭtary dakłada.
Na pieradavoj technałahičnaj vajny buduć łaziernaja zbroja, pošuk alternatyŭnych krynic enierhii, nana- i bijatechnałohii, stełs-technałohii, hipierhukavyja rakiety.
«Niezrazumieła, ci zmohuć Abjadnanyja ŭzbrojenyja siły ZŠA adnačasova adkazać usim pahrozam z najaŭnymi płanami finansavańnia, apieratyŭnymi padychodami i mahčymaściami. Tamu ZŠA pavinny vyłučyć inviestycyi, jakija buduć strymlivać niekatoryja suśvietnyja pahrozy dla biaśpieki na prymalnym uzroŭni, a nie zabiaśpiečyć vialikija vydatki na toje, kab całkam ich likvidavać», — havorycca ŭ dakumiencie na aficyjnym sajcie Ministerstva abarony ZŠA.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary