Alimpijada: adkryćcio było niedarahim, ale pa-brazilsku žyćciaradasnym
Na stadyjonie «Marakana» sabralisia brazilskija zorki. Naprykład, supiermadel Žyzel Bundchien pradefilavała pad huki chita bosanovy «Girl from Ipanema». Usie brazilskija pop-zorki vystupali na biezhanararnaj asnovie.
Hučnymi avacyjami stadyjon vitaŭ dźvie apošnija kamandy na tradycyjnym alimpijskim defile: pieršuju ŭ historyi zbornuju kamandu ŭciekačoŭ i haspadaroŭ, brazilcaŭ, što išli, tancujučy sambu.
Strymanaja biełaruskaja kamanda taksama pryhoža hladziełasia ŭ svajoj davoli strohaj šera-čyrvonaj formie z nacyjanalnymi matyvami arnamienta, raspracavanaj dyzajnieram Julijaj Łatuškinaj.
Ściah nios ravaryst Vasil Kiryjenka.
Žyćciaradasnaja cyrymonija adkryćcia kantrastavała z tydniami biestałkovaści i chaosu, što papiaredničali Alimpijadzie. Alimpijskaja vioska akazałasia niedaroblenaja. Niekatorych spartoŭcaŭ abrabavali prosta pierad pačatkam Hulniaŭ. U brytanskich płyŭcoŭ ukrali čamadany z płaŭkami. Adnaho kitajca złačyniec abryhaŭ i, pakul toj čyściŭsia, chaŭruśnik pieršaha zładzieja ścibryŭ rečy…
Brazilija pieražyvaje ciažki palityčny kryzis, karupcyja kvitnieje, prezidentu abvieščany impičmient. Tym nie mienš, kraina sabrała ŭsie siły ŭ kułak dla praviadzieńnia pačesnych Hulniaŭ i ich adkryćcia. Za biaśpiekaj sačyli dziasiatki tysiač palicyjantaŭ i ahientaŭ u cyvilnym. Pracedury nadhladu na ŭvachodzie na stadyjon doŭžylisia hadzinami. Na arenie siarod 60 tysiač hledačoŭ byli sorak kiraŭnikoŭ dziaržaŭ.
Samo šou demanstravała historyju Braziliju ad času zasialeńnia indziejcami da našych dzion. Scenarysty kreatyŭna adlustravali pryrodu, nie abyšli ekałahičnyja prablemy našych dzion, ale pakazali aptymistyčny duch, ułaścivy hetamu narodu.
Trybuny tancavali sambu razam z artystami i atletami dyj płakali ad ščaścia. Alimpijada — vialikaja viecha ŭ historyi 200-miljonnaj nacyi.
Indziejcy budavali svaje chałupy. Partuhalcy pryčylvali na karablach.
Raby arali džunhli. Akrabaty skakali pa dachach truščobaŭ-favełaŭ. Hučaŭ brazilski fank, śpiavali zorki — Karol Conka i 12-hadovaja repierka MC Soffia.
Na Alimpijadu źjechalisia 11000 atletaŭ. Kožnaha ź ich paprosiać pasiejać nasieńniečki, ź jakich vyrastuć drevy, jakija abiacajuć vysadzić u Rya.
Pišuć, što cyrymonija abyšłasia arhanizataram udvaja tańniej, čym anałahičnyja ŭ Łondanie i Piekinie. Brazilcy aščadžali i zrabili staŭku na tancoraŭ samby, a nie na chaj-tek.
A žanočaja zbornaja Biełarusi pa baskietbole ŭžo siońnia praviadzie pieršy matč na Hulniach suprać kamandy Japonii.
Ciapier čytajuć
«Dekałanizacyja — heta pryjści i zaniać svajo miesca». Nasta Rahatko budzie ŭdzielničać u fiestyvali rasijskaj knihi. Sulima jaje asudziŭ, jana nie zmaŭčała ŭ adkaz5858
Kamientary