Hurt «J:mors» i Prezidencki arkiestr Respubliki Biełaruś vystavili na dabračynny aŭkcyjon 10 zaprašeńniaŭ na naviedvańnie dźviuchhadzinnaj repietycyi prahramy «Biełaruskaje zołata», premjera jakoj adbudziecca 5 listapada ŭ Pałacy Respubliki.
U miežach repietycyi uładalniki zaprašeńniaŭ stanuć pieršymi źniešnimi ludźmi, jakija pačujuć poŭnuju prahramu «Biełaruskaje zołata». Akramia hetaha jany buduć mieć mahčymaść vypić harbaty z muzykami «J:mors», a taksama atrymajuć u padarunak pa dysku z aŭtohrafami ad «J:mors» i Prezidenckaha arkiestra Respubliki Biełaruś, zrobiać fota i videa dla svaich ekaŭntaŭ u sacyjalnych sietkach.
Usie ŭtarhavanyja hrošy pajduć na dapamohu 5-hadovamu Siarhieju Łuščynu z Voršy, jaki chvareje na dziciačy cerebralny paraluš z padvojenaj hiemiplehijaj 3 stupieni. Dla taho, kab prajści čaćviorty kurs reabilitacyi za miažoj jamu nie chapaje kala 3 tysiač dalaraŭ.
Zaprašeńni buduć vydadzienyja pieramožcy aŭkcyjona ŭ abmien na kvitancyju ab apłacie pieramožnaj sumy na aficyjnyja dabračynnyja rachuki dziciaci. Usie zaprašeńni atrymaje adzin pieramožca, tamu kaapieracyja ŭnutry pracoŭnych i inšych kalektyvaŭ vitajecca. Aŭkcyjon praciahniecca da 20 kastryčnika — Łot
Vy taksama majecie mahčymaść pieraličyć hrošy na aficyjnyja dabračynnyja rachunki biez pryviazki da aŭkcyjona. Padrabiaznaja infarmacyja pra Siarhieja Łuščyna i rekvizity dla dapamohi na sajcie help.blog.tut.by
«Maje śpinahryzy sa mnoj». Cichanoŭskaja raskazała, što ŭžo vybiraje dla dziaciej škołu ŭ Varšavie12
Kamientary