Stas Michajłaŭ u krasaviku daść u Minsku dva kancerty zapar. I kvitkoŭ užo amal niama
Pieršapačatkova płanavałasia, što Stas Michajłaŭ vystupić 4 krasavika. Na vialikuju placoŭku arhanizatary nie zamachvalisia, vybrali Pałac sportu. Ale achvotnych pačuć «Usio dla ciabie» nabrałasia stolki, što pryjšłosia apieratyŭna stavić dadatkovy kancert na nastupny dzień.
Pałac sportu padčas kancertaŭ źmiaščaje da 4500 čałaviek — heta kali maksimalna ščylna ŭtrambavać hledačoŭ na tancpoł. Kvitki na pieršy kancert raźlacielisia davoli chutka, na dadatkovy zastałosia niekalki socień samych darahich u partery.
Za mahčymaść pahladzieć na Stasa Michajłava treba zapłacić ad 85 da 305 rubloŭ.
Ale, zdajecca, bolš za ŭsio čakaje sustrečy z rasijskim śpievakom jaho biełaruski kaleha Hierman Citoŭ.
Raniej toj sprabavaŭ z dapamohaj padpisčykaŭ damahčysia, kab ź im praśpiavaŭ Šaman — ale atrymaŭ ad pradstaŭnikoŭ Z-zorki harbuza.
Ciapier Hierman znoŭ prosić padpisčykaŭ adznačać Stasa Michajłava ŭ kamientarach pad jaho dopisam, kab zrabić svaju maru rečaisnaściu. Choča, kab rasijski artyst praśpiavaŭ razam ź im pieśniu sa svajho repiertuaru «Žuravy laciać u Kitaj» (muzyku da jaje sam Hierman i napisaŭ). Kala 40 čałaviek vykanali prośbu Citova.
Nahadajem, Stas Michajłaŭ padtrymaŭ napad na Ukrainu ź pieršych dzion. U lutym 2022 hoda jon napisaŭ u instahramie: «Rasija nikoli nie viała vajnu z Ukrainaj i nikoli nie budzie vajavać z ukrainskim narodam. Rasija pravodzić śpiecapieracyju pa demilitaryzacyi i denacyfikacyi. Jana vyzvalaje našych bratoŭ ad «ludziej», jakija nie mohuć joju kiravać, ad «ludziej», jakija viaduć jaje ŭ prorvu (…). U hety momant my pavinny ŭsie abjadnacca i padtrymać našaha prezidenta, bo ŭ jaho ciapier vielmi niaprosty čas — praktyčna ŭvieś «prahresiŭny Zachad» abviaściŭ jamu vajnu, a značyć i kožnamu z nas».
Biełarusy raźmiatajuć kvitki na kancerty zumiera Vani Dźmitryjenki z Krasnajarska nie tolki ŭ Minsku, ale ŭ rehijonach
Zatrymali padletka ź Minska, jaki pradavaŭ falšyvyja kvitki na kancert rasijskaha repiera Mota
Kab razdać kvitki na Šamana, padklučyli rajvykankamy. A jon zapisaŭ videa «Priviet, Biełoruśsija!» i śpiavaŭ himn Rasii
Znajšoŭsia hurt, jaki płanuje sabrać «Minsk-Arenu» čatyry razy zapar. I ŭžo amal zrabiŭ heta
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
[Zredahavana]