Supracoŭniki Słužby biaśpieki Ukrainy zatrymali i vyvieźli z Krymu va Ukrainu dvuch rasiejskich vajskoŭcaŭ, zajaviła Ministerstva abarony Rasii.
«20 listapada kala 13.00 supracoŭnikami Słužby biaśpieki Ukrainy byli niezakonna zatrymanyja i vyviezieny z Kryma na terytoryju Mikałajeŭskaj vobłaści Ukrainy rasijskija vajskoŭcy: praparščyk Adzincoŭ Maksim Jaŭhienavič i małodšy siaržant kantraktnaj słužby Baranaŭ Alaksandr Viačasłavavič», — zajavili ŭ Maskvie.
Minabarony Rasii śćviardžaje, što ŭkrainskija śpiecsłužby sprabujuć sfabrykavać suprać Baranava i Adzincova kryminalnuju spravu za ŭčynienyja suprać Ukrainy złačynstvy. U viedamstvie nie vyklučyli, što dla atrymańnia pryznalnych pakazańniaŭ na zatrymanych buduć akazvać psichałahičny i fizičny cisk.
U Maskvie dziejańni SBU nazvali «čarhovaj hrubaj pravakacyjaj» i zapatrabavali nieadkładnaha viartańnia zatrymanych.
Ukrainskija ŚMI, u svaju čarhu, paviedamlajuć, što zatrymanyja rasijskija vajskoŭcy raniej słužyli va ŭkrainskaj armii i suprać ich adkryta kryminalnaja sprava ab deziercirstvie. SBU śćviardžaje, što Baranava i Adzincova zatrymali pry sprobie pierasiekčy punkt propusku na miažy z Krymam.
Nahadajem, što raniej u listapadzie FSB zatrymała ŭ Sievastopali piać ukraincaŭ. Jana śćviardžaje, što heta dyviersijna-terarystyčnaja hrupa Minabarony Ukrainy. Troje padazravanych dali pryznalnyja pakazańni. Jany zajavili, što viali nazirańnie za abjektami Čarnamorskaha fłotu, a taksama płanavali dyviersii na infrastrukturnych abjektach. Inšuju hrupu, jak śćviardžajecca, ukrainskich raźviedčykaŭ zatrymali raniej na poŭnačy paŭvostrava.
Hrupa pry hetym akazała ŭzbrojenaje supraciŭleńnie i častka jaje syšła za zaliŭ Sivaš.
Ciapier čytajuć
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali23
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary