Kaviarnia «Hraj», h. Minsk, vuł. Internacyjanalnaja, 33. Pačatak 12:00.
Vydatny padarunak dla vašych dzietak — muzyčnaja biełaruskamoŭnaja jalinka «Kaladnaja kazka pra Kazu i Piatra» pavodle tvora Ihara Kuźminiča.
Heta supolny prajekt hurtu «VURAJ» i teatralnaha prajektu Andreja Saŭčanki. U prahramie: muzyčny śpiektakl, kaladnyja hulni, tancy, śpievy, konkursy dy inšyja zabaŭki z pryjemnymi padarunkami.
Prychodźcie i pryvodźcie svaich dzietak u śviatočnych strojach. Na kožnaj imprezie buduć vyznačacca ŭładalniki samych aryhinalnych i cikavych śviatočnych strojaŭ, jakija atrymajuć padarunki ad «Art Siadziby», kramaŭ symbal.by dy prastora.by.
Pra śpiektakl:
Raniej na ziamli amal nie było Zimy i Nočy. Tamu što ruplivaja Kaza siabravała z Soncam i nie davała jamu adpačyvać. Adnojčy jaje sustreŭ zamožny haspadar Piatro. Zaprasiŭ Piatro Kazu da siabie ŭ dom, bo była ŭ jaho adna biada — nie było ŭ ich z žonkaj dzietak. A viedaŭ Piatro, što Kaza ščaście prynosić. Pahadziłasia Kaza. A dalej…
Aŭtaram «Kazački pra handlara Piatra, Kazu i Kalady», jakaja lahła ŭ asnovu teatralnaj častki jalinki, źjaŭlajecca Ihar Kuźminič. Padrabiaźniej pra aŭtara i jaho kazki čytajcie tut.
Daty praviadzieńnia jalinak: 26, 27, 28 śniežnia 2016; 4, 5, 6 studzienia 2017.
Zbor haściej: 12:00.
Praciahłaść mierapryjemstva: 60 chvilinaŭ.
Miesca praviadzieńnia: kafe «Hraj», h. Minsk, vuł. Internacyjanalnaja, 33.
Košt kvitka: 10 rubloŭ.
Kvitki: u ofisie «Art Siadziby», na sajtach symbal.by, bycard.by i biletnych kasach «Bycard».
Čakajem dzietak ad 3 da 13 hadoŭ ź ich baćkami. Dla baćkoŭ i dziaciej da 3-ch hadoŭ uvachod volny!
Daviedacca padrabiaznuju infarmacyju dy zabraniravać miescy možna taksama pa telefonach: +375 (29) 651-78-98; +375 (44) 787-60-38.
Padziei mierapryjemstva ŭ sacyjalnych sietkach: vk, facebook.
Ciapier čytajuć
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3232
Kamientary