«Naša Niva» pravodzić kraŭdfandynhavuju kampaniju pa zbory srodkaŭ na rasśledavańni. Pa stanie na ranicu 23 śniežnia sabrana bolš za 69% ad zapytanaj sumy.
Deputatka Pałaty pradstaŭnikoŭ Alena Anisim vystupiła ŭ padtrymku kraŭdfandynhavaj kampanii «Našaj Nivy»
Alena Anisim: «110 hadoŭ nazad pačała vychodzić «Naša Niva». Na jaje staronkach adlustroŭvałasia žyćcio tahačasnaha biełaruskaha hramadstva, pamknieńni i žadańni, ździajśnieńni. Siońniašniaja «Naša Niva» adlustroŭvaje žyćcio biełarusaŭ u niezaležnaj Biełarusi, i heta vielmi i vielmi važna, tamu što praz sto hadoŭ možna budzie daviedacca, jak žyli my siońniašnija, što nas niepakoiła, što chvalavała, jak my zmahalisia z prablemami, z roznymi pytańniami našaha žyćcia, tamu siońnia, čytajučy «Našu Nivu», padtrymlivajučy jaje, pišučy na jaje staronkach, my stvarajem historyju niezaležnaj Biełarusi».
Kab padtrymać NN, treba adkryć našu staronku na sajcie talaka.by.
Unizie možna vybrać sumu dapamohi — ad 10 da 1000 rubloŭ. Ad hetaha zaležyć, jakuju ŭznaharodu vy atrymajecie: kubak z afaryzmam, ci bajku z afaryzmam, ci fotapracu Hudzilina. My hatovyja navat pasadzić bulbu na vašym aharodzie ).
Abiarycie patrebny varyjant (čym bolš, tym lepš!) i naciśnicie na jaho. Paśla treba budzie zarehistravacca na sajcie — pry žadańni dastatkova aŭtaryzavacca praz fejsbuk ci Ukantakcie — i ŭvieści dadzienyja svajoj bankaŭskaj kartki. Kali vy chočacie zrabić uniosak ananimna, nie zabudźciesia pastavić adpaviednuju ptušku.
Važny etap
Kraŭdfandynhavy zbor hrošaj — važny etap u historyi «Našaj Nivy». My zaklikajem fundavać našy hramadska značnyja rasśledavańni.
Našyja čytačy i raniej dapamahali nam, ale ciapier, dziakujučy zručnaj placoŭcy «Tałaki» zbor hrošaj staŭ jašče lahčejšym.
Što takoje NN.by?
Heta najbujniejšaja ŭ śviecie biełaruskamoŭnaja placoŭka, jakuju štodnia naviedvajuć z 40 tysiač kampjutaraŭ i telefonaŭ — bolš, čym nasielnictva Navahrudka ci Hłybokaje z Pastavami razam uziataje.
Dla raźvićcia biełaruskaj movy žyćciova nieabchodna zachavać takuju prastoru.
«Naša Niva» adlustroŭvaje intaresy biełaruskaha hramadstva, a nie dziaržavy, svajoj ci čužoj.
Našy rasśledavańni
Rasśledavańni «Našaj Nivy» hod za hodam pieramahajuć u biełaruskich i mižnarodnych žurnalisckich konkursach.
Zhadajma niekatoryja ź ich tolki za apošni čas.
Hruntoŭnaje daśledavańnie «Chto choča zrabić ź Biełarusi Zachodniuju Rasiju» pryviało ŭ šał biełarusafobaŭ usich maściej i kalibraŭ.
«Naša Niva» pisała pra trenirovačnyja łahiery rasijskich nieanacystaŭ, kudy sprabavali zaciahnuć biełaruskich školnikaŭ, razabrałasia sa śvietapohladam «baciuški sa svastykaj» i z minułym lidara «Rumoła».
My praciahvajem adsočvać majomaść čynoŭnikaŭ — niadaŭna vyličyli Natallu Kačanavu.
Sa svaimi prablemami ŭ «Našu Nivu» źviartajucca ludzi z usich kancoŭ Biełarusi. Sioleta, naprykład, žurnalisty raźbiralisia ź fieadalizmam u Kaściukovickim rajonie.
Čynoŭniki vymušanyja reahavać na rasśledavańni «Našaj Nivy».
Tałaka tady i ciapier
Našy prodki budavalisia tałakoj, staražytnym sposabam uzajemadapamohi. Ciapier, z prychodam najnoŭšych technałohij, udzielničać u tałace stała našmat praściej. Dastatkova mieć hrošy na kartcy.
Nieabyjakavyja biełarusy z achvotaj dapamahajuć hramadska važnym prajektam. Srodki na pajezdku Vitala Hurkova na čempijanat śvietu sabrali za ličanyja dni! Tałakoj vydavali pa-biełarusku «Chroniki Narnii», pierakładali «Śvinku Pepu».
Jak paŭdzielničać u zbory srodkaŭ?
Vielmi prosta. Adkryjcie na «Tałace» našu staronku. Unizie možna vybrać sumu dapamohi — ad 10 da 1000 rubloŭ. Ad hetaha zaležyć, jakuju ŭznaharodu vy atrymajecie: kubak z afaryzmam, ci bajku z afaryzmam, ci fotapracu Hudzilina. My hatovyja navat pasadzić bulbu na vašym aharodzie ).
Abiarycie patrebny varyjant (čym bolš, tym lepš!) i naciśnicie na jaho. Paśla treba budzie zarehistravacca na sajcie — pry žadańni dastatkova aŭtaryzavacca praz fejsbuk ci Ukantakcie — i ŭvieści dadzienyja svajoj bankaŭskaj kartki. Kali vy chočacie zrabić uniosak ananimna, nie zabudźciesia pastavić adpaviednuju ptušku.
Kamientary