U haradzkim sudzie Miensku adbyŭsia razhlad kasacyjnaj skarhi Andreja Kima i inšych fihurantaŭ «spravy čatyrnaccaci».
Jak paviedamiła maci Andreja Kima Taciana, na sudzie advakaty daviali poŭnuju nieabhruntavanaść abvinavačańniaŭ, vysunutych suprać fihurantaŭ «spravy čatyrnaccaci» i jaje syna.
Enira Branickaja, jakaja ŭ 2006 hodzie adbyła pakarańnie za ŭdzieł u niezarehistravanaj arhanizacyi, raspaviała, što na siońniašni sud pryjšło mała ludziej.
«Z usich, abvinavačanych pa Spravie 14‑ci pryjšoŭ tolki Anton Kojpiš, astatnija nie pažadali ŭdzielničać, jak jany ličać, u farsie» — skazała E.Branickaja.
Anton Kojpiš paviedamiŭ, što paśla karotkaj narady kalehija sudździaŭ (staršynia Ŭładzimier Nazaranka, Siarhiej Chrypač i Valancina Kryvaja) vyniesła verdykt, jaki možna akreślić dźviuma słovami: «Usio pravilna».
Nahadajem, što 22 krasavika sudździa Centralnaha rajonu Miensku Alena Iljina prysudziła Andreju Kimu paŭtara hodu turmy. Andrej byŭ pryznany mižnarodnymi arhanizacyjami viaźniem sumleńnia. Ciapier chłopiec adbyvaje pakarańnie ŭ Babrujskaj kalonii.
Udzielniki «Pracesu 14-ci» Alaksiej Bondar, Arciom Dubski, Michaił Kryvaŭ, Michaił Paškievič, Aleś Stralcoŭ, Aleś Čarnyšoŭ, Taćciana Ciškievič byli prysudžanyja da papraŭčych rabot pa miescy pracaŭładkavańnia z adličeńniem dziaržavie 20% zarobku. Anton Kojpiš i Ŭładzimier Siarhiejeŭ byli pakaranyja štrafami ŭ pamiery 100 bazavych vieličyniaŭ (3500000 rub.)
Padtrymajcie Andreja Kima, napišycie palitviaźniu:
213000, Mahiloŭskaja vobł., horad Babrujsk, vuł.Sikorskaha, 1, VK‑2, atrad 11. Andreju Kimu.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj30
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary