Juryst Ihar Słučak dniami stvaryŭ adpaviednuju pietycyju na płatformie petitions.by. Ciaham miesiaca luby achvotny moža pakinuć pad joj svoj podpis.
Novyja šyldy ŭ Homieli.
«Viadoma, u Minsku i niekatorych miastečkach Biełarusi prablema ź biełaruskaj movaj na vuličnych ukazalnikach nie staić, ale pa krainie pieravažna vykarystoŭvajecca ruskaja mova. U tym ža Homieli biełaruskamoŭnych šyldaŭ u lepšym vypadku 15-20%, a da apošniaha času ich naohuł faktyčna nie było. U Mahilovie, da prykładu, šyldy całkam ruskamoŭnyja.
Kab spynić dyskryminacyju biełaruskamoŭnych biełarusaŭ nie zaŭždy treba patrabavać maksimum, tym bolš, što dziejsnaje zakanadaŭstva nie na našym baku. Adnak kali my budziem patrabavać dvuchmoŭja, my pašyrym vizualnuju prysutnaść biełaruskaj movy na vulicach Biełarusi ŭ razy», — źviartajecca Ihar.
Padpisać pietycyju
U pietycyi prapanoŭvajecca zrabić dvuchmoŭnymi ŭsie šyldy: jak tyja, što ciapier vyklučna ruskamoŭnyja, tak i tyja, što vyklučna biełaruskamoŭnyja. Heta budzie śviedčyć pra realnaje, a nie ŭjaŭnaje dvuchmoŭje ŭ krainie.
Słučak pryvodzić u prykład, jak heta zroblena ŭ Finlandyi, dzie dziaržaŭnymi źjaŭlajucca finskaja i šviedskaja movy.
U Biełarusi taksama jość padobnyja prykłady. Na novych šyldach u Homieli nazvy vulic dublujucca pa-biełarusku i pa-rusku.
-
«Nie zapatrabavana». Ź viadomaha kafe Mon Nom na Traktarnym prybrali biełaruskamoŭnaje mieniu
-
Niejrasietki ŭsio jašče spatykajucca na biełaruskim maŭleńni. Biełarusy chočuć padaryć štučnamu intelektu idealny hołas
-
Junak raskazaŭ, jak kanśpiektavaŭ ruskamoŭnyja lekcyi biełaruskaj łacinkaj. Heta vyklikała damino ŭspaminaŭ z BNTU, BDTU i BDU
Ciapier čytajuć
Siłaviki śćviardžajuć, što zatrymali dvuch mužčyn za hałasavańnie na vybarach u KR. Ale ci možna hetamu vieryć?15
Kamientary