Polski kinainstytut padtrymaŭ biełaruskich režysioraŭ — hrošy atrymajuć chorar Kašpierskaha i drama Pałujana
Biudžet novaha filma Alaksieja Pałujana maje skłaści bolš za 3 miljony dalaraŭ, ale padtrymka značna mienšaja.
Biełaruskija režysiory atrymali finansavańnie na svaje stužki ad Polskaha kinainstytutu (PISF), zaŭvažyŭ kanał «Śviaŝiennyj Biełavud».
U pryvatnaści, hrošy atrymaŭ režysior Andrej Kašpierski na svoj paŭnamietražny chorar «Sud pamierłych». Stužka paŭstanie ź jaho adnajmiennaha karotkamietražnaha filma žachaŭ, jaki publikavaŭsia aŭtaram letaś.
Jak bačna, zajaŭleny biudžet «Suda pamierłych» składaje 2,116 młn złotych (kala 500 tys. jeŭra). Polskaja dziaržava padtrymała prajekt na 90% dziaržaŭnych hrošaj. Astatniaje finansavańnie aŭtary pavinny adšukać samastojna.
Taksama dadatkovaje finansavańnie na film «Spadčyna» atrymaŭ režysior Alaksiej Pałujan. Jaho film budzie pryśviečany biełaruskaj siamji padčas palityčnaha kryzisu paśla 2020 hoda i pačatku paŭnamaštabnaj vajny ŭ 2022 hodzie.
Ahulny biudžet filma składaje 12 376 250 złotych (kala 2,92 młn jeŭra), a zapyt byŭ na 3 młn złotych (kala 708 tys. jeŭra). Kinainstytut padtrymaŭ kamandu tolki na 1,5 młn złotych (kala 354 tys. jeŭra).
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary
Stolki hrantaŭ,nikomu hetyja filmy nie patrebnyja.Lepiej by hrošy dali hetym siemjam, a nie kino zdymali
Voj, nu ŭžo Piatruchina to ja paznaju pad lubym nikniejmam ))
[Zredahavana]