Samota i sacyjalnaja izalacyja jość bolšaj pahrozaj dla čałavieka, čym atłuścieńnie. Da takoj vysnovy pryjšli psichołahi z Univiersiteta Bryhama Janha (ZŠA). Na ich dumku, ŭździejańnie hetych faktaraŭ na nasielnictva raście z kožnym hodam i moža być nacyjanalnaj prablemaj. Pra heta navukoŭcy paviedamili na 125-j Štohadovaj kanviencyi Amierykanskaj psichałahičnaj asacyjacyi. Pres-reliz daśledavańni apublikavany na sajcie EurekAlert!, piša lenta.ru.
Pa słovach ekśpiertaŭ, uzajemaadnosiny ź inšymi ludźmi źjaŭlajecca fundamientalnaj patrebaj čałavieka, jakija važnyja jak dla psichałahičnaha dabrabytu, tak i dla vyžyvańnia. Pa dadzienych daśledavańnia Loneliness Study, praviedzienaha niekamiercyjnaj arhanizacyjaj AARP, 42,6 miljona darosłych amierykancaŭ starejšych za 45 hadoŭ pakutuje ad chraničnaj samoty. Pavodle vynikaŭ pierapisu ŭ 2014 hodzie, bolš za čverć nasielnictva žyvie ŭ adzinocie, a bolš za pałovu hramadzian nie znachodziacca ŭ šlubie.
Navukoŭcy praviali dva mietaanalizy, u kožnym ź jakich abjadnoŭvalisia vyniki dziasiatkaŭ daśledavańniaŭ. Pieršy uklučaŭ 148 navukovych prac, u jakich udzielničali, usiaho, 300 tysiač dobraachvotnikaŭ.
Akazałasia, što mocnyja sacyjalnyja suviazi spryjajuć 50-adsotkavamu źnižeńniu ryzyki rańniaj śmierci.
U druhim mietaanalizie vyvučalisia dadzienyja 70 daśledavańniaŭ z udziełam 3,4 miljona čałaviek z Paŭnočnaj Amieryki, Jeŭropy, Azii i Aŭstralii. Pavodle vysnovaŭ navukoŭcaŭ, sacyjalnaja izalacyja ci adzinota pavialičvaje ryzyka zaŭčasnaj śmierci ŭ bolšaj stupieni, čym inšyja faktary, uklučajučy atłuścieńnie.
Śpiecyjalisty ličać, što sistema achovy zdaroŭja pavinna ŭličvać ŭpłyŭ sacyjalnych suviaziaŭ na zdaroŭje nasielnictva. Taksama nieabchodna budaŭnictva baz adpačynku i parkaŭ, dzie piensijaniery, jakija najbolš uraźlivyja dla adzinoty, mohuć kantaktavać ź inšymi ludźmi.
Kamientary