Patrapić u Biełaruś zahadkavuju i tajamničuju, ździejśnić padarožža krokami znakamitych tvoraŭ Uładzimira Karatkieviča i Jana Barščeŭskaha, dakranucca da žyvoj historyi — usio heta stanie realnaściu dla biełaruskich školnikaŭ padčas vosieńskich vakacyj.
Sumna, ale fakt: historyja Biełarusi, jaje falkłor, lehiendy i padańni da hetaha času zastajucca za ramkami šyrokaj uvahi i cikavaści. I, na žal, dla našych dziaciej heta amal nieviadomy śviet. Suchija, ścisłyja radki sa školnaj prahramy — voś usia dastupnaja im infarmacyja. Tak mała dobrych knih na hetuju temu i poŭny vakuum u kiniematohrafie — ci varta ździŭlacca, što supierhierojaŭ z amierykanskich komiksaŭ našy dzieci, jak praviła, viedajuć lepš, čym piersanažaŭ ź biełaruskich lehiend.
Tamu ščyra raduje novaja mahčymaść dla dziaciej i padletkaŭ. Z 29 kastryčnika pa 4 listapada pryhodnicki łahier «Dzikaje palavańnie» dla dziaciej 10-15 hod raspačnie pahružeńnie ŭ śviet mistyki, kazak i lehiendaŭ.
Junych «palaŭničych» čakaje siadziba «Zapaviedny vostraŭ» — aŭtentyčnaje i malaŭničaje miesca, jakoje stahodździ tamu było stajankaj kryvičoŭ. Pryroda ździŭlaje svajoj niekranutaściu i pryhažościu. Ubačyć tut dzikaha źviera ci ptušku nie dziva, a ručai i bałoty adździalajuć siadzibu ad usiaho śvietu.
Na miescy samoj siadziby, jak ličać navukoŭcy, było kapišča, dzie staražytnyja słavianie malilisia baham. Pobač jość staražytnyja mohiłki staravieraŭ z kamiennymi vaśmikancovymi kryžami, kurhany kryvičoŭ, stary razburany kaścioł i jašče šmat usiaho cikavaha i tajamnicaha, što adkryjecca tolki padčas pryhod.
«Pryhodnicki łahier «Dzikaje palavańnie» dazvalaje ŭ samaj zajmalnaj formie paznajomicca z historyjaj i falkłoram Biełarusi, akunucca ŭ śviet padańniaŭ i lehiend, daviedacca pra abrady i tradycyi, vyvučyć narodnyja pieśni i hulni» — miarkujuć arhanizatary.
Dziciačyja łahiery «Lehienda» ŭžo niekalki hadoŭ adnaŭlajuć cełyja śviety pryhod, čaraŭnictva i lehiend, dzieci nie tolki viesieła i cikava pravodziać čas, ale i adkryvajuć dla siabie navakolle, šukajuć adkazy na pytańni, vučacca siabravać. Adnak bolšaj zahadkavaści lehiendzie i pryhodam «Dzikaha palavańnia» dadaść padarožža na radzimu Jeŭfrasińni Połackaj, Usiasłava Čaradzieja, Francyski Skaryny, — Połack, tak jak mienavita hety horad chavaje ŭ sabie razhadki hałoŭnaj tajamnicy łahiera.
Pryvatnaje pradpryjemstva «Terytoryja Hulni». UNP 190893497
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha16
Kamientary