Mužčynu pryznali źnikłym bieź viestak, jahonym dzieciam vypłačvali piensiju. A paśla jon znajšoŭsia
Žychar Aršanskaha rajona doŭhi čas nie płaciŭ alimienty na svaich traich niepaŭnaletnich dziaciej. U adnosinach da jaho navat zaviali kryminalnuju spravu za ŭchileńnie ad utrymańnia dziaciej. Padčas rasśledavańnia mužčyna źjechaŭ ź Biełarusi, i doŭhi čas pra jaho ničoha nie było viadoma, paviedamlaje prakuratura Viciebskaj vobłaści.
Praź niekalki hadoŭ, bieručy pad uvahu źniknieńnia mužčyny, sud u 2019 hodzie pryznaŭ jaho bieź viestak źnikłym. Paśla takoha rašeńnia dzieciam pačali vypłačvać piensiju pa stracie karmilca. Hetyja vypłaty praciahvalisia bolš za šeść hadoŭ i ŭ sumie skłali kala 77 tysiač rubloŭ.
Paźniej mužčyna viarnuŭsia ŭ Biełaruś, i sudovaje rašeńnie ab pryznańni jaho bieź viestak adsutnym admianili.
Dalej prakuror źviarnuŭsia ŭ sud z patrabavańniem spahnać z baćki hrošy, jakija dziaržava vypłaciła dzieciam zamiest jahonych alimientaŭ. Sud całkam zadavoliŭ hety pazoŭ.
U vyniku mužčyna abaviazany viarnuć amal 77 tysiač rubloŭ, i rašeńnie ŭžo ŭstupiła ŭ zakonnuju siłu.
Minčanka pazbaviła baćku svajoj dački baćkoŭskich pravoŭ, prosta kab jaho «lišni raz nie turbavać»
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty
Advakat patłumačyŭ, čym ryzykujuć pary biez štampa ŭ pašparcie
Mužčyna ź Viciebščyny praz 21 hod daznaŭsia, što dačka nie jaho
Ciapier čytajuć
«Kazaŭ, što źniščyć mianie, bo ŭ jaho suviazi i pahony». Byłaja žonka vajuje z padpałkoŭnikam. Taho panizili da ŭčastkovaha6
Kamientary